တႈမၚလိကဒီးဆူညါ လ႕တႈအိဥဖွိဥသရဥ သရဥမုဥလ႕အသးစႈဒ္၀ဲသ့ဥတဖဥအဂီႈ တႈကစီဥ
တႈမၚလိကဒီးဆူညါ လ႕တႈအိဥဖွိဥသရဥ သရဥမုဥလ႕အသးစႈဒ္၀ဲသ့ဥတဖဥအဂီႈ တႈကစီဥ
တႈမၚလိကဒီးဆူညါတခါ (Ongoing Formation) လ႕၀့ႈတကူဥတလးပ႕လီႈက၀ီၚဖးဒိဥအပူၚ တႈအိဥဖွိဥသရဥ သရဥမုဥလ႕အသးစႈဒ္၀ဲသ့ဥတဖဥအဂီႈ မ့ႈ၀ဲဖဲ ၂၀၂၅ လါဎႏူၚအါရံၚ ၁၃ သီ တုၚလ႕ လါဖ့ႀဘဴၚအါရံၚ ၂၇ သီယ ဒီးမ့ႈ၀ဲလ႕ စီၚပ့းတရူးဒီးစီၚပီလူး တႈဘါသရိဏ လ႕အ့စ့ႈကီႈဆဥယ ၀့ႈတကူဥနဥ့လီၚ’
တႈရဲဥလီၚက်ဲၚလီၚတမံၚအံၚ ဘဥတႈသုးက်ဲးဒုးအိဥထီဥအီၚလ႕ တႈအိဥဖွိဥသရဥအခီမံၚရွ႕ဥယ ဒီးဘဥတႈတီခိဥရိဥမဲအီၚလ႕ Rev. Fr. Hyginus Myint Soe နဥ့လီၚ’
တခ်ဳးလ႕တႈရဲဥလီၚက်ဲၚလီၚအံၚ ဘဥတႈစးထီဥဒ္အီၚအကတီႈ ပါဒိဥ Hyginus Myint Soe ကတိၚဟ့ဥဂံႈဟ့ဥဘါ၀ဲ ပွၚမၚဃုဏတႈဖိသ့ဥတဖဥ ဒ္သိးအသးကအိဥလဲလိဏကြံဏအသးယ မၚတႈခ့တႈပွၚအတႈမၚ ဒ္ခိဥနႈသ့ဥတဖဥအသိးယ ဒီးကဘဥအဲဥကြံဏဎြၚဒီးပွၚကညီသ့ဥတဖဥယ ကဘဥဒိးနႈ့သကိးတႈဎါဘ်ါကြံဏအ၀ဲသ့ဥယ ဒီးမၚစ႕ၚပွၚအဂၚ ဒ္သိးပွၚသ့ဥတဖဥအံၚ ကဘဥတႈဎါဘ်ါကြံဏအီၚ လ႕အ၀ဲသ့ဥအတႈနးတႈဖွီဥယ ခီဖ်ိသးလ႕အအိဥဒီး တႈသူဥကညီၚသးကညီၚတႈအပူၚနဥ့လီၚ’
ပွၚမၚဃုဏတႈဖိသ့ဥတဖဥ အတႈဖံးဃုဏမၚဃုဏတႈလ႕ တႈမၚလိအပူၚ မ့ႈတႈလ႕အဘဥအသးယ ဒီးဆ႕မုႈလႈ၀ဲဒ္သိး တႈအိဥဖွိဥသရဥသ့ဥတဖဥ ကမၚကဒီးဎြၚအတႈဖံးတႈမၚ လ႕တႈဂံႈတႈဘါ ဒီးတႈသူဥဆူဥသးဂဲၚအသီ ဒီးလ႕တႈသူဥဖွံသးညီ လ႕အ၀ဲသ့ဥ အိဥ၀ဲဒီးဖံးတႈမၚတႈ အတႈလီႈသ့ဥတဖဥအပူၚအဂ့ႈယ Fr Hyginus စံး၀ဲနဥ့လီၚ’
တႈရဲဥလီၚက်ဲၚလီၚတမံၚအံၚ အိဥ၀ဲဒီးတႈပညိဏ ဒ္သိးအကမၚသီထီဥက့ၚ သရဥ သရဥမုဥသ့ဥတဖဥ အတႈအ႕ဥလီၚအီလီၚအသး ဒ္သိးအကလဲၚပိဏထြဲကစႈခရံဏ ဒ္တႈအိဥဖွိဥသရဥတဂၚအသိး ဒီးဒ္သိးအကသ့ဥညါလၤိၚက့ၚအသး အါထီဥဒီးအါထီဥယ ဒ္သိးအကမၚဆူဥထီဥ တႈဆိဥဂ့ၚလ႕အအိဥဒီးအီၚသ့ဥတဖဥအဂံႈသဟီဥယ ဒ္သိးအသ့ဖံးသ့မၚတႈဂ့ၚဂ့ၚဘဥဘဥအဂီႈယ ဒ္သိးအကသ့မၚဆူဥထီဥ အတႈသ့တႈဘဥလ႕ အဘဥဃးဒီးတႈကဲခိဥကဲနႈ ပွၚလ႕အ၀ဲသ့ဥဘဥကြႈထြဲ၀ဲသ့ဥတဖဥယ ဒ္သိးအကသ့ သ့ဥညါနႈပ႕ႈအါထီဥ တႈသိဥလိထူကလုႈဎြၚကထါအဂ့ႈအက်ိၚ ဒီးစံဥတဲၚတဲလီၚတႈ ဃုဏဒီးတႈကြႈထြမၚစ႕ၚ ဖိဒံဖိသဥယ သူဥဘီဥသးစႈယ ဒီးပွၚသးပွႈသ့ဥတဖဥ လ႕ပွၚသ့ဥတဖဥအံၚ အတႈစူႈတႈနဏအဂီႈနဥ့လီၚ’
တႈအိဥဖွိဥသရဥ သရဥမုဥလ႕အသးစႈဒ္၀ဲ လ႕အမၚဃုဏတႈလ႕ တႈရဲဥလီၚက်ဲၚလီၚအပူၚတဖုအံၚ ဖံးတႈမၚတႈလ႕ အ၀ဲသ့ဥအိဥ၀ဲသီခါအတႈပ႕အပူၚယ ဒ္အ၀ဲသ့ဥ မၚလိအသးလ႕ လံဏစီဆွံကေိ လ႕စီၚပ့းတရူးဒီးစီၚပီလူးတႈဘါသရိဥ လ႕၀့ႈတကူဥတလးပ႕လီႈက၀ီၚဖးဒိဥအပူၚ ခံနံဥ၀ံၚအလီႈခံနဥ့လီၚ’
တႈမၚလိကဒီးဆူညါတခါ (Ongoing Formation) အံၚ မ့ႈ၀ဲလ႕ ပွၚလ႕အမၚတႈဒ္ တႈအိဥဖွဥသရဥ သရဥမုဥ စွၚနဥ့အနံဥ ၁၀ သ့ဥတဖဥအဂီႈနဥ့လီၚ’ ဒီးပွၚမၚဃုဏတႈလ႕ တႈမၚလိအံၚအပူၚ မ့ႈ၀ဲအဂၚ ၃၀ နဥ့လီၚ’
အအံၚ မ့ႈ၀ဲတႈရဲဥလီၚက်ဲၚလီၚအဆိကတ႕ႈတဘ်ီ ဒီးဘဥတႈတီခိဥရိဥမဲအီၚလ႕ Fr Hyginus Myint Soe လ႕အမ့ႈပွၚဒုးနဲဥတႈလ႕ ၀့ႈတကူဥတလးပ႕လီႈက၀ီၚဖးဒိဥ တႈအိဥဖွိဥသရဥသ့ဥတဖဥအဂီႈယ ဒီးမ့ႈစ့ႈကီး စီၚပ့းတရူးဒီးစီၚပီလူးတႈဘါသရိဥလီႈက၀ီၚ အသီခါနဥ့လီၚ’
တႈမၚလိကဒီးဆူညါတခါ လ႕အမ့ႈ (Ongoing Formation) အံၚအပူၚ တႈဂ့ႈတႈက်ိၚ လီၚလီၚဆီဆီသ့ဥတဖဥ ဘဥတႈမၚလိအီၚနဥ့လီၚ’ ဒီးတႈသ့ဥတဖဥအံၚမ့ႈ၀ဲ”
(၁) တႈဒိကနဥတႈအတႈသ့တႈဘဥ
(၂) တႈမၚလိလံဏစီဆွံအဂ့ႈ လီၚဆီဒဥတႈ လံဏတႈအ႕ဥလီၚအီလီၚအလီႈလံၚ လ႕အဆိကတ႕ႈ ၅ ဘ့ဥအဂ့ႈ
(၃) တႈဎါဘ်ါက့ၚ ပွၚလ႕အသူဥအသးဘဥဒိ၀ဲသ့ဥတဖဥအဂ့ႈ
(၄) တႈကြဲးနီဥကြဲးဃါ ဘဥဃးဒီးစ့အစရီ
(၅) တႈကဲခိဥကဲနဥ ဘဥဃးဒီးတႈလဲၚဃုဏသကိးတႈ ( Synodal Leadership) အဂ့ႈ
(၆) တႈမၚဃံမၚလၚတႈ (Decoration) အဂ့ႈ တႈသ့ဥတဖဥအံၚနဥ့လီၚ’
Ongoing Formation Program for Junior Catechists in Yangon Archdiocese
