၀့ႈတကူဥတလးပ႕လီၚကဝီၚအပူၚ တႈဒုးသ့ဥညါအါထီဥတႈဖံးတႈမၚဘဥဃး ဒီးဎြၚအတႈကိးပွၚ လီၚဆီဒဥတႈဆူ သီဘူဥသီခါအတႈအိဥမူအိဥဂဲၚအဂီႈ အမုႈနံၚ ဘဥတႈမၚအီၚလ႕ ၀့ႈတကူဥယSt. Mary Cathedral တႈဘါသရိဏဖးဒိဥ ဖဲ ၂၀၂၅ လါဎူၚ ၁၅ သီ ဂီၚခီ ၈း၀၀ နဥရံဥအကတီႈယ ဒီးမ့ႈစ့ႈကီး နီႈကစႈသ႕ဂၚဎြၚတဂၚအမုႈဘူဥနံၚ န႔ဥလီၚ.

တႈမၚအသးအံၚ ဘဥတႈတီခိဥရိဥမဲအီၚလ႕ ၀့ႈတကူဥတလးပ႕လီႈကဝီၚ အသီခါကရ႕ခိဥမၚစ႕ၚတႈ Francis Than Tun န႔ဥလီၚ.

သီခါကရ႕ခိဥ Francis Than Tun စံးဝဲ ၀့ႈ Bago, St. Joseph Minor Seminary တႈသိဥလိဒုးကဲထီဥ သီခါကေိအံၚ မ့ႈဝဲ ၀့ႈတကူဥတလးပ႕လီႈကဝီၚအသးကံႈပူၚ မ့ႈလ႕အဒုးကဲထီဥတ့ႈလံ၀ဲ သီခါသ့ဥတဖဥ လ႕အပူၚကြံဏအနံဥအဆံသ့ဥတဖဥ အတီႈပူၚလံ အဃိန႔ဥလီၚ.

Fr. Paul Klo Htoo လ႕အမ့ႈဝဲ တႈသိဥလိဒုးကဲထီဥသီခါကေိခိဥ,          

Fr. Francis Dass လ႕အမ့ႈဝဲ ပွၚလ႕အထုးစုနဲဥက်ဲတႈဘဥဃးဒီးသူဥဂ့ၚသးက်ိၚယ           Fr. Gabriel Soe Min Naing လ႕အမ့ႈဝဲ ပွၚလ႕အထုးစုးနဲဥက်ဲတႈလ႕တႈသိဥတႈသီ လ႕တႈသိဥလိဒုးကဲထီဥသီခါကေိ သ့ဥတဖဥ လုႈထီဥဃုဏသကိးတႈလုႈမံးဆါန႔ဥလီၚ.

လ႕အတႈစံဥတဲၚတဲလီၚတႈအပူၚ Fr. Paul Klo Htoo စံး၀ဲလ႕ တႏြံအံၚ ပမၚလၚကပီၚဝဲနီႈကစႈသ႕ဂၚဎြၚတဂၚဃီအမုႈဘူဥနံၚဒီး ပကဘဥအိဥဒီးတႈသူဥတီသးလိၚ လ႕ ပတႈစူႈတႈနဏ နီႈကစႈသ႕ဂၚဎြၚတဂၚန႔ဥလီၚ. လ႕တႈအုဥက့ၚခီဥက့ၚအတႈဖံးတႈမၚအဂီႈ နီႈကစႈသ့ဥတဖဥ တမၚတႈထဲတဂၚဧိၚဘဥဒီး နီႈကစႈသ႕ဂၚအံၚ မၚဃုဏသကိးတႈလ႕ တႈအုဥက့ၚခီဥက့ၚပွၚကညီသ့ဥတဖဥအဂီႈန႔ဥလီၚ.  အဃိပကဘဥမၚဆူဥထီဥ တႈရ့လိဏပသးလ႕အမ့ႈ၀ဲ ဎြၚ ဒီး ဎၚ ဒီး ပွၚလ႕ပဃ႕ၚသ့ဥတဖဥန႔ဥလီၚ.

၂၀၂၅ – ၂၀၂၆ နံဥ တႈမၚလိအနံဥအံၚအပူၚ တႈသိဥလိဒုးကဲထီဥသီခါကေိဖိ အိဥဝဲ (၄၃) ဂၚ ဒီး ဖဲန႔ဥအက်ါ (၁၂) ဂၚ  အိဥကတဲဏကတီၚအသးလ႕ အကဒိးစဲးအသး ဘဥဃးဒီး ကိၚလၚ၀ါအက်ိဏ န႔ဥလီၚ. တႈသိဥလိဒုးကဲထီဥသီခါကေိဖိခဲလ႕ဏအခ႕ဥစး ကေိဖိ (၁၂) ဂၚသ့ဥတဖဥ မၚဃုဏသကိးတႈလ႕ တႈဒုးသ့ဥညါအါထီဥတႈဒီး တႈမၚဆူဥထီဥတႈ ဒ္သိး  ပိဏခြါသးစႈသ့ဥတဖဥ ကတူႈလိဏသကိး တႈအိဥမူအိဥဂဲၚ  ဒ္သီသ့ဥတဖဥအသိးအဂီႈယ လ႕ St Mary တႈဘါသရိဏဖးဒိဥအပူၚ နဥ့လီၚ’

တႈလုႈမံးဆါ၀ံၚအလီႈခံ လံဏကဘ်ံးဖိ လ႕အအိဥဒီးတႈဒုးသ့ဥညါ တႈဂ့ႈတႈက်ိၚ ဘဥဃးဒီး တႈသိဥလိဒုးကဲထီဥသီခါကေိအဂ့ႈယ ကေိဖိသ့ဥတဖဥ ကဘဥမၚလိအသး ဒီးကဘဥလဲၚခီဖ်ိတႈ ဒ္လဲဥဒ္လဲဥအဂ့ႈသ့ဥတဖဥ ဘဥတႈဟ့ဥနီၚအီၚဆူ ပွၚကမ်႕ႈဖိ လ႕အဘူဥဘါဃုဏတႈလ႕ တႈလုႈမံးဆါအပူၚသ့ဥတဖဥနဥ့လီၚ’

လ႕တႈကဲသီခါအဂီႈ အိဥ၀ဲဒီးအပတီႈ (၃) ပတီႈ ဒီးမ့ႈ၀ဲ

၁. ဎြၚအတႈကိး

၂. ပွၚကညီအတႈစံးဆ႕က့ၚတႈ

၃. ဒီးတႈအိဥဖွိဥကရ႕အတႈတိစ႕ၚမၚစ႕ၚတႈ သ့ဥတဖဥန႔ဥလီၚ.

ပွၚမၚလိတႈဖိလ႕အကကဲထီဥသီခါသ့ဥသဖဥ ကဘဥမၚလိအသး လ႕အဘဥဃးဒီးတႈဂ့ႈမိႈပွႈ လြံဥခါအံၚန႔ဥလီၚ. တႈသ့ဥတဖဥအံၚမ့ႈဝဲ တႈဒုးကဲထီဥတႈ ဘဥဃးဒီးပွၚကညီဒီဂၚအတႈအိဥအသးယ တႈဒုးကဲထီဥတႈ ဘဥဃးဒီးသူဥဂ့ၚသးက်ိၚယ တႈကူဥဘဥကူဥသ့ယ ဒီးတႈလ႕အဘဥဃးဒီးပွၚကြႈသိအတႈဖံးတႈမၚန႔ဥလီၚ.

တႈသိဥလိဒုးကဲထီဥသီခါကေိ အပတီႈအိဥဝဲ (၅) ပတီႈန႔ဥလီၚ.

၁. တီၚခီဥထံးတႈသိဥလိဒုးကဲထီဥသီခါကေိ

၂. တႈကတဲဏကတီၚသးလီၚလီၚဆီဆီ လ႕အဎံဏ၀ဲ ၁ နံဥ မ့တမ့ႈ ၂ နံဥ

၃. တႈမၚလိဘဥဃးဒီးသသမူအတႈကဲထီဥလိဥထီဥအဂ့ႈအက်ိၚ လ႕အဎံဏ၀ဲ ၂ နံဥ

၄. တႈဃုသ့ဥညါမၚလိထူဂ့ႈဎြၚဂ့ႈ လ႕အဎံဏ၀ဲ ၃ နံဥ

၅. တႈမၚလိဘဥဃးဒီး ပွၚကြႈသိအတႈဖံးတႈမၚ လ႕အဎံဏ၀ဲ (၁) နံဥ န႔ဥလီၚ.

ပွၚလ႕အကကဲထီဥသီခါသ့ဥတဖဥအံၚ ကဘဥမ့ႈဝဲပွၚသ့ဥတဖဥလ႕ အအိဥဒီး တႈစူႈတႈနဏယ တႈပညိဥအမ့ႈအတီယ ကဘဥအိဥဒီးတႈသ့ဥညါအလ႕အပွဲၚယ တႈပဏကဲယ နီႈခိနီႈသးအကံႈအစီသ့ဥတဖဥ န႔ဥလီၚ.

တႈသိဥလိဒုးကဲထီဥသီခါကေိဖိတဂၚ

၁. ကဘဥသ့ဥညါနႈပ႕ႈလီၚသးဂ့ၚဂ့ၚဒီး ကဘဥဒိဥထီဥလ႕ တႈအိဥမူဎိဎိန႔ဥလီၚ.

၂. တႈပညိဥကဘဥမ့ႈဝဲဲတီဝဲန႔ဥလီၚ.

၃. ကဘဥကြႈသမံသမိးလီၚက့ၚ ဎြၚအတႈကိးအီၚ ဒ္သိးအကမ့ႈ ပွၚစိဏဆွ႕တႈသးခုကစီဥလ႕အဂ့ၚ    

၄. ကဘဥသ့ဃုထ႕ထီဥ ဎြၚအတႈကိးအီၚ ဖဲဆ႕ကတီႈလ႕အဖုႈကိဏဖိ အပူၚန႔ဥလီၚ.

တႈလုႈမံးဆါ၀ံၚဒီး Christopher Herry Lin လ႕အမ့ႈဝဲ ပွၚမၚလိတႈဖိတဂၚလ႕ တႈသိဥလိဒုးကဲထီဥသီခါကေိယ ဟ့ဥနီၚလီၚဝဲ အတႈခီဖိ်ထံဥဘဥတႈဘဥဃးဒီး ဎြၚအတႈကိးအီၚန႔ဥလီၚ.

ဖဲအနီႈဆံးအခါ ပွၚမၚလိတႈလ႕တႈသိဥလိဒုးကဲထီဥသီခါကေိဖိသ့ဥတဖဥ ဟဲဟ့ဥဖိသဥသ့ဥတဖဥတႈမၚလိဘဥဃးဒီးဎြၚအကလုႈကထါ ဒီးတႈဒ့တႈအူသ့ဥတဖဥ ဖဲနံၚသဘ်႔သ့ဥတဖဥ လ႕အသဝီထံဥဘဥဝဲအဂ့ႈယ မ့ႈလ႕ပွၚသ့ဥတဖဥအံၚ အတႈဒိဂ့ၚ နဲဥက်ဲသ့ဥတဖဥ ကဲထီဥဂ့ႈဘါလ႕အဂီႈဒီး ဒ္သိးဎကကဲထီဥ သီခါတဂၚအဂီႈအဂ့ႈ စံးဝဲန႔ဥလီၚ.

လီႈကဝီၚသီခါဒီး အမိႈအပႈသ့ဥတဖဥ တုၚဖဲတႈသိဥလိဒုးကဲထီဥသီခါကေိအပဲႀတီအကတီႈ လီတဲစိဟဲလ႕ခီပနံဏလ႕ တႈမၚလ႕အဃုဝဲ အဒိးန႔ႈဘဥဝဲအဂ့ႈ ဘဥဆဥ တဟံးန႔ႈဝဲတႈမၚအံၚဘဥဒီး ဃုထ႕က်ဲလ႕ အကမၚလိတႈလ႕ တႈသိဥလိထုးကဲထီဥသီခါကေိ (၀့ႈ Bago)  ဖဲ ၂၀၂၄ နံဥအဂ့ႈစံးကဒီးဝဲန႔ဥလီၚ.