တႈဆိဥဂ့ၚတႈဘါသရိဥ မ့ႈ၀ဲလ႕ Chaung Zauk အသ၀ီ တႈကစီဥ
တႈဆိဥဂ့ၚတႈဘါသရိဥ မ့ႈ၀ဲလ႕ Chaung Zauk အသ၀ီ တႈကစီဥ
တႈဘါသရိဥလ႕အဘဥတႈမၚသီထီဥက့ၚအီၚယ ဒီးနီႈမၚရံအတႈလီႈစီဆွံ ဃုဏဒီးတႈဘါသရိဥအကရ႕ႈအႀတဲၚ သ့ဥတဖဥ ဘဥတႈဆိဥဂ့ၚအီၚဖဲ လါအ့ျဖ့ ၁၉ သီယ၂၀၂၆ လ႕ Chaung Zauk အသ၀ီယ အိဥလ႕ဖးဒိဥပ်ီ သီခါလီႈက၀ီၚယ ဒီးမ့ႈ၀ဲလ႕ ၀့ႈတကူဥတလးပ႕လီႈက၀ီၚဖးဒိဥအပူၚနဥံလီၚ’ သ၀ီအံၚ အိဥဎံၚ၀ဲဒီး၀့ႈတကူဥ လ႕ကလံၚစိး အမံၚလဏ ၁၀၀ နဥ့လီၚ’
သီခါကရ႕ခိဥမၚစ႕ၚတႈသ့ဥတဖဥ ဒ္အမ့ႈ Bishop Francis Than Htun ဒီး Bishop Noel Saw Naw Aye, ဃုဏဒီးသီခါ ၁၅ ဂၚသ့ဥတဖဥယ လုႈထီဥဃုဏသကိးတႈလုႈမံးဆါ စးထီဥဖဲ ဂီၚခီ ၇း၀၀ နဥရံဥနဥ့လီၚ’ ပွၚဘါဎြၚဖိလ႕ အဘူးအတံႈသ၀ီသ့ဥတဖဥ ဒီးလ႕၀့ႈတကူဥ ခဲလ႕ဏအဂၚ ၃၀၀ ဃဥဃဥသ့ဥတဖဥ ဘူဥဘါမၚလၚကပီၚဃုဏတႈနဥ့လီၚ’
ဖဲအတႈစံဥတဲၚတဲလီၚတႈအပူၚယ Bishop Francis Than Htun စံး၀ဲလ႕ တႈစူႈတႈနဏ တမ့ႈထဲတႈသ့ဥညါတႈဘဥဒီး မ့ႈ၀ဲတႈအုဥပသးလ႕အမူ၀ဲ ဒီးဘဥတႈပဏဖ်ါထီဥအီွၚလ႕ ပတႈစံးထီဥပႀတ႕ၚတႈ ဒီးပတႈမၚ၀ဲခ့ပွၚအတႈမၚအပူၚနဥ့လီၚ’ စံး၀ဲလ႕ တႈစံးထီဥပႀတ႕ၚဎြၚ အခီပညီမ့ႈ၀ဲ တႈသ့ဥညါနႈပ႕ႈဎြၚအတႈဆိဥဂ့ၚ လ႕ပဒိးနႈ့ဘဥကလီၚအီၚ ဒီး တႈအ႕ဥလီၚတူႈလိဏ ဎြၚအတႈအဲဥတႈကြံ လ႕အဘဥတႈပဏဖ်ါထီဥအီၚ လ႕ပွၚဂၚအအိဥနဥ့လီၚ’
တလးပ႕စံးကဒီး၀ဲလ႕ယ ခရံဏဖိအတႈအိဥမူယမ့ႈ၀ဲတႈလဲၚက်ဲလ႕ တႈဃုထံဥနႈ့တႈသူဥဖွံသးညီၚ လ႕တႈကီတႈခဲအက်ါယ ဒီး တႈကီတႈခဲအမ့ႈအတီ အိဥထီဥ၀ဲလ႕ ပတႈပဏဎံၚပသးဒီးဎြၚအပူၚနဥ့လီၚ’ စံးကဒီး၀ဲယ ထဲဒဥခရံဏကစႈတဂၚဧိၚယအိဥဖ်ဲဥထီဥ၀ဲလ႕ က်ီႈအီဥဆဥလီႈ ဒီးသံ၀ဲလ႕ထူဥစုညါအလိၚယ ဒီးမ့ႈ၀ဲအတႈပဏဖ်ါထီဥ တႈတူဥဆါသးအက်ါ လ႕အသ့ဒုးလဲၚတုၚပွၚဆူ တႈမုဏတႈခုဥအအိဥနဥ့လီၚ’
ဘဥဃးဒီးခရံဏအတႈဂဲၚဆ႕ထ႕ဥသမူထီဥက့ၚအဂ့ႈယ Bishop Francis စံး၀ဲလ႕ တႈခုဥလီၚဘ်႕လီၚခရံဏအတႈလီႈအိဥ၀ဲဘဥဆဥယ ပွၚတသံကြႈအီၚလ႕ အအိဥ၀ဲဖဲလဲဥဖဲလဲဥဘဥနဥ့လီၚ’ မ့ႈလ႕အသမူထီဥက့ၚလံ၀ဲ သပွႈကတ႕ႈအဃိလံနဥ့လီၚ’ ခရံဏါအတႈဂဲၚဆ႕ထ႕ဥသမူထီဥက့့ၚအဂ့ႈ ဘဥတႈပဏဖ်ါထီဥအီၚ အဆိကတ႕ႈ ဆူပိဏမုဥသ့ဥတဖဥအအိဥယ ဒီးခရံဏကစႈအပ်ဲဥအဘီဥသ့ဥတဖဥ ဟ့ဥလီၚသကိးအသး ဒ္အ၀ဲသ့ဥအုဥအသးလ႕ တႈမ့ႈတႈတီအံၚအဂီႈအဃိနဥ့လီၚ’ ပွၚသ့ဥတဖဥအံၚအတႈသူဥဒူသးဒူ မ့ႈ၀ဲတႈစူႈတႈနဏအမ့ႈအတီ သပွႈကတ႕ႈနဥ့လီၚ’
အတႈစံဥတဲၚတဲလီၚတႈ၀ံၚအလီႈခံ တလးပ႕ Francis ပဏစီဆွံ၀ဲတႈဘါသရိဥအစီၚနီၚခိဥ ၀ံၚဒီးတႈလုႈမံးဆါပိဏထြဲထီဥ၀ဲနဥ့လီၚ’
သီခါ Fr Albert Khin Maung Win ကတိၚစံးဘ်ဳးစံးဖွိဥတႈဆူ တလးပ႕သ့ဥတဖဥအအိဥယ သီဘူဥသီခါသ့ဥတဖဥ ဒီးပွၚလ႕အမၚဘူဥတႈသ့ဥတဖဥအအိဥနဥ့လီၚ’ စံးဘ်ဳးစံးဖွိဥတႈလီၚလီၚဆီဆီဆူ ပွၚလ႕အဟ့ဥမၚဘူဥတႈလ႕အအါ၀ဲသ့ဥတဖဥ လ႕တႈမၚသီထီဥက့ၚတႈဘါသရိဥယ လ႕တႈတ့ထီဥနီႈမၚရံအတႈလီႈစီဆွံယ ဒီးလ႕တႈတ့ထီဥ တႈဘါသရိဥအကရ႕အႀတဲၚယ ဒီးပွၚမၚဘူဥတႈလ႕ တႈမၚလၚမၚကပီၚတႈအမုႈနံၚအံၚ တႈအလ႕ဏသ့ဥတဖဥအဂီႈနဥ့လီၚ’
ဖဲတႈလုႈမံးဆါ၀ံၚ၀ဲအကတီႈယ Fr. Matthew မုႈကပီၚ လ႕အမ့ႈ၀ဲ Chaung Zauk အသ၀ီဖိယ ဘဥတႈမၚလၚမၚကပီၚအီၚ မ့ႈလ႕အကဲထီဥသီခါ ပွဲၚထီဥလံအနံဥ ၅၀ အသိးနဥ့လီၚ’ စံး၀ဲလ႕ အသးဘူးကပွဲၚထီဥလံ ၈၀ လံဒီး တူႈလိဏ၀ဲတႈအိဥမူလ႕ဎြၚဟ့ဥအီၚ လ႕တႈစံးဘ်ဳးစံးဖွိဥက့ၚအီၚအပူၚယ ဒီးဃ့ကညးကဒီးပွၚကမ်႕ႈဖိသ့ဥတဖဥ အတႈထုကဖဥနႈ့တႈလ႕အဂီႈ ဒ္သိးအကသ့မၚကဒီးတႈ ဒ္အတႈအိဥဆူဥအိဥခ့် မ့ႈပ်ဲအီၚအသိးနဥ့လီၚ’
တႈဟ့ဥလီၚလံဏအုဥသးသ့ဥတဖဥ မ့ႈ၀ဲဆူ ပွၚလ႕အဟ့ဥမၚဘူဥတႈ အဘး ၂၅ ကလီႈဒီးဆူအဖီခိဥသ့ဥတဖဥ အအိဥနဥ့လီၚ’
ဖဲသ၀ီအံၚအပူၚ ပွၚကဲထီဥသီခါ အိဥလံ၀ဲသ႕ဂၚ ဒီးမ့ႈ၀ဲ Rev. Fr. Matthew Moo K’Paw, Rev. Fr. Albert Khin Maung Win, ဒီး Rev. Fr. Gregory Phaw Htoo နဥ့လီၚ’ Renovated Church, Grotto and Gate Blessed in Chaung Zauk Village
