ပွၚဖ်ိထီဥတႈမၚလိလ႕အမ့ႈ၀ဲ Socio Pastoral Studies သ့ဥတဖဥ က့ၚထံဥလိဏက့ၚအသး ဃုဏဒီးတႈမၚသီထီဥက့ၚသး တႈကစီဥ

ပွၚလ႕အဖ်ိထီဥတႈမၚလိ Socio Pastoral Studies သ႕ဖုသ့ဥတဖဥ မၚသကိး၀ဲ တႈထံဥလိဏက့ၚသး ဒီးတႈစံးကတိၚတ႕ဥပီဥလိဏသး မ့ႈ၀ဲစးထီဥဖဲလါအ့ျဖ့ ၃၀ သီတုၚလ႕ လါမ့ၚ ၃ သီယ ဒီးမ့ႈ၀ဲဖဲ Catholic Major Seminary လ႕တႈကြႈထံဆိကမိဥတႈယ တႈမၚလိက့ၚသး ဒီးတႈမၚသီထီဥက့ၚ တႈအ႕ဥလီၚအီလီၚအဂီႈ နဥ့လီၚ’

တႈထံဥလိဏက့ၚသးအံၚ ဘဥတႈစးထီဥအီၚဖဲ လါအ့ျဖ့ ၃၀ သီ ဟါလီၚခီအကတီႈ လ႕အမ့ႈ၀ဲဃုဏဒီး တႈကတိၚတူႈလိဏသဂ႕ႈတႈ လ႕ Major Seminary အကေိခိဥ Rev Fr Cyprian Aung Win နဥ့လီၚ’

ဖဲလါမ့ၚ ၁ သီအမုႈနံၚယ အဆိကတ႕ႈ တႈလုႈမံးဆါ မ့ႈ၀ဲတႈရဲဥလီၚက်ဲၚလီၚအဆိကတ႕ႈတခါ ဒီးမ့ႈ၀ဲလ႕ Major Seminary အတႈဘါသရိဥဖိအပူၚ ၀ံၚအလီႈခံ တႈထံဥလိဏက့ၚသးအံၚ အတႈပညိဏ ဘဥတႈပဏဖ်ါထီဥအီၚနဥ့လီၚ’

ဖဲဂီၚခီတႈရဲဥလီၚက်ဲၚလီၚအပူၚ Rev Fr Cyprian Aung Win ပဏဖ်ါထီဥ၀ဲ တႈအိဥမူဒ္ ခရံဏဖိတဂၚ အတႈအုဥအသး အကါဒိဥ၀ဲအဂ့ႈ နဥ့လီၚ’ စံး၀ဲလ႕ ပွၚသ့ထံဥနႈ့ဘဥခရံဏကစႈ တမ့ႈ၀ဲထဲလ႕ ကေိဖိလ႕အဖ်ိထီဥလံတႈမၚလိသ့ဥတဖဥ အတႈစံးတႈကတိၚတႈဘဥဒီး မ့ႈ၀ဲခီဖ်ိအ၀ဲသ့ဥ အဒိဂ့ၚတဲႈဘဥနဥ့လီၚ’ စံး၀ဲလ႕ ပ၀ဲသ့ဥပနီႈကစႈဒဥ၀ဲ ပမ့ႈ၀ဲတႈသးခုအကစီဥ ဖဲပအိဥမူ၀ဲဒ္ ခရံဏဖိနီႈနီႈအခါ ဒီးမ့ႈ၀ဲတႈရၚလီၚတႈသးခုကစီဥ လ႕အအိဥဒီးတႈစိတႈကမီၚနဥ့လီၚ’

Salesian အကရ႕အသီခါ Rev Fr Bosco Bo Bo တခီ ကတိၚသိဥလိနဲဥလိတႈ ဘဥဃးဒီး မူခိဥအသီ ဟီဥခိဥအသီ လ႕အပဏဖ်ါထီဥ၀ဲ ကစႈအပ်ဲဥအဘီဥအတႈအိဥမူအိဥဂဲၚ ဒီးအတႈဖံးတႈမၚအဂ့ႈနဥ့လီၚ’ ပွၚလ႕အဒိးနႈ့တႈသ့စီခဲလ႕ဏသ့ဥတဖဥ တမ့ႈထဲလ႕ အဘဥတႈကိးအီၚ ဒ္သိးအကကဲထီဥ၀ဲ တႈအိဥဖွိဥကရ႕ဖိ ဎိဎိဘဥဒီး ဘဥတႈမ႕လီၚအီၚ ဒ္သိးအကမၚဃုဏတႈလ႕ ပွၚကြႈသိအတႈဖံးတႈမၚအပူၚ ဒီးလ႕ပွၚဂ့ႈ၀ီ အတႈဖံးတႈမၚတႈအပူၚ အဂ့ႈ စံး၀ဲနဥ့လီၚ’ ပဏဖ်ါထီဥ၀ဲတႈဂ့ႈလ႕အမ့ႈ၀ဲ တႈတ့ဘွီထီဥကရ႕ကရိ မ့ႈတႈလ႕ အဘဥတႈသူဥလီၚအီၚလ႕ တႈစူႈတႈနဏယ တႈတီတႈလိၚယ တႈလ႕အတအိဥဒီးတႈမၚဆူဥမၚစိးယ ဒီးတႈအဲဥကြံပွၚဖွီဥဖိဎဏဖိသ့ဥတဖဥနဥ့လီၚ’

သီခါအံၚစံး၀ဲလ႕ တႈအိဥဖွိဥကရ႕ ကဘဥထံဥသ့ဥညါ၀ဲလ႕ အကဘဥအိဥမူ၀ဲ ဖံးတႈမၚတႈ ဒ္လဲဥဒ္လဲဥ ဖဲဆ႕ကတီႈခ့ခါခဲအံၚယ ဒီးစံး၀ဲဒ္သိးပွၚပတီႈမုႈဖိ လ႕အကဲခိဥကဲနႈတႈသ့ဥတဖဥ ကအဘဥအိဥဒီးတႈသူဥဆူဥသးဂဲၚ ဃုဏဒီးတႈဟ့ဥလီၚသး လ႕ပွၚကညီ ပွၚတ၀႕အတႈလဲၚထီဥလဲၚထီအဂီႈနဥ့လီၚ’ စံး၀ဲလ႕ တႈအိဥဖွိဥကရ႕မ့ႈ၀ဲကရ႕ကရိလ႕အအိဥဒီး တႈစူႈတႈနဏ ဒီးတႈသ့ဥညါနႈပ႕ႈတႈ ဒီးဘဥတႈမၚဆူဥထီဥအီၚလ႕ တႈပနီဥစီဆွံသ့ဥတဖဥ ဒီးအိးထီဥအသးလ႕ တႈစံးကတိၚတ႕ဥပီဥလိဏသး ဘဥဃးဒီးလုႈလႈဆဲးလၚယ ဒီးတႈဘူဥတႈဘါသ့ဥတဖဥ ဒီးခ့ခါခဲအံၚ တႈအိဥအသးသ့ဥတဖဥနဥ့လီၚ’

ဖဲမုႈဆါခီအကတီႈယ Mr James Ngun Hre စံးကတိၚပဏဖ်ါထိဥ၀ဲ တႈအဲဥတႈကြံလ႕တႈတီတႈလိၚအပူၚ (Caritas in Veritatae) လ႕အဘဥဃးဒီး ပွၚကညီအတႈအိဥမူအတႈလဲၚထီဥလဲၚထီနဥ့လီၚ’ စံး၀ဲလ႕ တႈလဲၚထီဥလဲၚထီ မ့ႈတႈလ႕အဘဥဃးဒီး တႈဖိတႈလံၚယ ပွၚဂ့ႈ၀ီယ လုႈလႈဆဲးလၚယ သကဲးပ၀ဏ ဒီးသူဥဂ့ႈသးက်ိၚယ ဒီးမ့ႈတႈလ႕အဘဥဃးဒီးပွၚကိးဂၚဒဲး လ႕အတပဏတ့ႈကြံဏပွၚနီတဂၚဘဥနဥ့လီၚ’

တႈအဲဥတႈကြံ ကဘဥအိဥသူဥလီၚအသးလ႕ တႈတီတႈလိၚအဖီခိဥ ဒီးစံး၀ဲလ႕ တႈတီတႈလိၚမ့ႈတအိဥဘဥဒီး တႈအဲဥတႈကြံ ကမ့ႈဒဥတႈလီတႈ၀့ၚနဥ့လီၚ’ ဘဥဃးဒီးတႈအီဥကဘ်ံးအီဥကဘ်ဥတႈအဂ့ႈယ စံး၀ဲလ႕ တႈသူကမဥတႈစိတႈကမီၚ ကဲထီဥတႈႀတီမၚတံဏတဏ လ႕တႈလဲၚထီဥလဲၚထီအဂီႈယ ဒီးမၚဆူဥထီဥ၀ဲတႈတထဲသိးဒ္သိးလိဏသး ဒီးမၚစႈလီၚ တႈမၚတႈခ့တႈပွၚအတႈမၚနဥ့လီၚ’ မ႕နႈ့ဆီဥခံ၀ဲ တႈဖံးတႈမၚတႈလ႕တႈကြႈသမံသမိးအီၚသ့၀ဲယ တႈကဲခီဥကဲနႈလ႕အဘဥလိဏဖိးဒ့လိဏအသးဒီးသကဲးပ၀ဏယ ဒီးတႈသူဥကညီၚသးကညီၚလ႕ တႈဖံးတႈမၚအတႈလဲၚထီဥလဲၚထီအဂီႈနဥ့လီၚ’

Dr Win Htun Kyi တခီ စံးကတိၚပဏဖ်ါထီဥ၀ဲ တႈရိဏဖွိဥဃူဖိးလိဏသး ဒီးတႈဟ့ဥစိဟ့ဥကမီၚပွၚပတီႈမုႈဖိသ့ဥတဖဥယ ဒ္တႈအိဥဖွိဥကရ႕မ့ႈ၀ဲ ဎြၚအပွၚကလုဏအသိးနဥ့လီၚ’ ကတိၚဆူဥထီဥတႈဒီးစံး၀ဲလ႕ ပွၚလ႕အဒိးနႈ့တႈသ့စီခဲလ႕ဏသ့ဥတဖဥ မ့ႈ၀ဲပွၚစိဏဆွ႕တႈသးခုကစီဥအပွၚတႈမ႕ဖိ လ႕အကဘဥဖံးတႈမၚတႈလ႕ တႈသူဥဆူဥသးဂဲၚအပူၚအဂီႈနဥ့လီၚ’

တႈရိဥဖွိဥဃူဖိး မ့ႈ၀ဲတႈဒိးနႈ့ဃုဏမူဒါယ ဒီးတႈစံးကတိၚတ႕ဥပီဥလိဏသး ဒီးတႈထံဥသ့ဥညါတႈယ ဒီးလ႕တႈဆ႕တဲႈတႈအဂီႈ ပွၚကဘဥမၚဃုဏတႈဒိး တလးပ႕သ့ဥတဖဥယ သီခါသ့ဥတဖဥ ဒီးပွၚဎိဎိသ့ဥတဖဥအဂ့ႈ စံး၀ဲနဥ့လီၚ’ လ႕နဥ့အမဲဏညါ တႈမၚလိမၚဒိးကဒီးသးဆူညါ လီၚဆီဒဥတႈလ႕ ပွၚဎိဎိသ့ဥတဖဥအဂီႈ မ့ႈတႈလ႕အလီႈအိဥ၀ဲယ ဒီးပဏဖ်ါထီဥ၀ဲတႈအိဥအသးလ႕ တႈအိဥမူလူၚမၚထြဲတႈဒ္ တႈစူႈတႈနဏအိဥ၀ဲအသိး ဆံးလီၚစွၚလီၚ၀ဲလ႕ သူဥဘီဥသးစႈသ့ဥတဖဥအက်ါနဥ့လီၚ’

ဖဲလါမ့ၚ ၂ သီအမုႈနံၚယ ကေိဖိလ႕အမၚဃုဏသကိးတႈထံဥလိဏက့ၚသးသ့ဥတဖဥ လဲၚသကိး၀ဲဆူ တႈကြႈထြဲပွၚသးပွႈသ့ဥတဖဥအဟံဥ (Home for the aged) လ႕ Kandawgalay ဒီးဟ့ဥဂံႈဟ့ဥဘါ သူဥ၀ံဥသးဆ႕တႈဆူ ပွၚသးပွႈသ့ဥတဖဥအအိဥနဥ့လီၚ’

ဖဲတႈဒုးသ့ဥညါလိဏသးအတႈရဲဥလီၚက်ဲၚလီၚအပူၚ ကေိဖိလီႈလံၚသ့ဥတဖဥ ကြႈထံဆိကမိဥက့ၚ၀ဲဒီး ပဏဖ်ါထီဥသကိး အတႈလဲၚခီဖ်ိတႈသ့ဥတဖဥနဥ့လီၚ’

တႈထံဥလိဏက့ၚသးအတႈမၚအသးအံၚ ၀ံၚ၀ဲဃုဏဒီး တႈမၚသီထီဥက့ၚ တႈအ႕ဥလီၚအီလီၚ လ႕ပွၚကေိဖိလီႈလံၚသ့ဥတဖဥအက်ါ ဒ္သိးအကအိဥမူသကိး၀ဲ လ႕တႈအိဥဖွိဥကရ႕အတႈဖံးတႈမၚအဂီႈ ဒ္အမ့ႈပွၚအုဥအသးလ႕ တႈသးခုကစီဥအဂီႈ ဒီးလ႕တႈမၚဒိဥထီဥထီထီဥ တႈတီတႈလိၚ တႈသူဥကညီၚသးကညီၚ ဒီးပွၚတ၀႕အတႈဒိဥထီဥထီထီဥ လ႕အ၀ဲသ့ဥအိဥ၀ဲ ကရ႕ကရိသ့ဥတဖဥအပူၚနဥ့လီၚ’

Diploma in Socio Pastoral Studies Alumni Gather for 2026 Reunion and Workshop