Daily Reflection – ဎိၚဟဥ ၁၅း၁၈-၂၁

ပကဘဥသုးဘူးပသးဒီးတႈလ႕အဂ့ၚ ဒီးအိဥဎံၚဒီးတႈလ႕အအ႕န႔ဥတက့ႈ.

ပအိဥဖဲဟီဥခိဥယ ပမၚဖဲဟီဥခိဥယ ဒီးပအီဥဖဲဟီဥခိဥအံၚလီၚ. ပမ့ႈတဲန႔ဥ ပဘဥဃးဒီးဟီဥခိဥအံၚလီၚ.

ပဘဥဃးဒီးဟီဥခိဥ ဘဥဆဥ ဟီဥခိဥန႔ဥသးဟ့ပွၚလီၚ. ပကမၚဒ္လဲဥ. ခရံဏစံးပွၚလ႕ ပတဘဥဃးဒီးဟီဥခိဥဘဥ. ပဘဥဃးဒီးမူခိဥလီၚ. ပမ့ႈစံးလ႕က်ဲအဂၚတဘိန႔ဥမ့ႈ၀ဲ ဟီဥခိဥန႔ဥ ဘဥဃးဒီးတႈအ႕တႈသီတဖဥန႔ဥ ဒီးမူခိဥန႔ဥ မ့ႈတႈစီတႈဆွံန႔ဥလီၚ.

ပမ့ႈမၚတႈဂ့ၚန႔ဥ တႈအ႕သ့ဥတဖဥ ကထီဒါပွၚလီၚ. ကသးဟ့ပွၚလီၚ. ပမ့ႈဟီဥခိဥဖိဘဥဆဥ ပတႈမုႈလႈန႔ဥကဘဥမ့ႈတႈလ႕ အကဆွ႕ပွၚဆူတႈဂ့ၚတႈ၀ါန႔ဥလီၚ. လ႕ခရံဏဖိအတႈကတိၚ ပမ့ႈစံးန႔ဥ ပတႈပညိဥ တမ့ႈအကတ႕ႈဖဲဟီဥခိဥအံၚ ဘဥ. ပတႈပညိဥအကတ႕ႈမ့ႈ၀ဲဒဥမူခိဥန႔ဥလီၚ. အဃိခရံဏစံး၀ဲလ႕ ပဘဥဃးဒီးမူခိဥန႔ဥလီၚ.

ဟီဥခိဥမ့ႈတသးဟ့ပွၚဘဥယ မ့ႈတထီဒါပွၚဘဥယ ပမ့ႈအိဥဃူလိဏဖိးလိဏဒီးဟီဥခိဥန႔ဥ အခီပညီန႔ဥ မ့ႈလ႕ပအိဥလ႕ တႈတဂ့ၚဘဥအပူၚ ပသးလီတႈတဂ့ၚ ဒီး ပအိဥမုဏဒဥလ႕တႈတဂ့ၚအပူၚန႔ဥလီၚ.

ခရံဏလဲၚလ႕ပမဲဏညါ တူႈဘဥ၀ဲဟီဥခိဥအတႈသးဟ့အီၚယ တူႈ၀ဲတႈနးတႈဖွီဥလံန႔ဥလီၚ. ပပိဏခရံဏအခံ ပကဘဥလဲၚခီဖ်ိဒ္သိးခရံဏအသိးစ့ႈကိးလီၚ. ထူဥစုညါအက်ဲ တမ့ႈတႈဖွံလီၚဖီအက်ဲဘဥ. ဘဥဆဥ ပတႈပညိဥလ႕ခံန႔ဥ မ့ႈ၀ဲတႈမၚန႕ၚတႈအ႕ တႈသီဒီး အိဥမူသကိးလ႕တႈဂ့ၚတႈ၀ါအက်ဲန႔ဥလီၚ.