လ႕ Kalay တလးပ႕လီႈကဝီၚအပူၚ တႈသူဥအိဥထီဥသီခါအတႈပ႕အသီ St. Patrick Parish လ႕ Khaikam Myo တႈကစီဥ

အါန႔ဥတႈအိဥဖွိဥကရ႕ဖိအဂၚ (၆၀၀) သ့ဥတဖဥ အိဥဖွိဥရိဖွိဥဃုဏဒီး သီခါကရ႕ခိဥ Felix Lian Khen Thang ဒီးသီခါ (၁၂) ဂၚသ့ဥတဖဥ လ႕ Khaikam Myo ဖဲ ၂၀၂၆ လါဎူၚ ၂၈ သီ ဒ္အမ့ႈဝဲတႈဒုးအိဥထီဥသီခါလီၚကဝီၚအသီ St. Patrick Parish လ႕ Kalay တလးပ႕လီႈကဝီၚအပူၚန႔ဥလီၚ.

သီခါကရ႕ခိဥဘဥတႈတုႈလိဏန႔ဥအီၚ လ႕တႈမဲဏမုဏနါဆ႕ ဒ္အလဲၚတုႈဝဲဆူတႈလီၚအံၚ အပူၚန႔ဥလီၚ. လီႈကဝီၚပွၚဘါဎြၚဖိသ့ဥတဖဥ ကူထီဥသိးထီဥသကိးဝဲဒ္ Chin အလုႈအလႈအိဥဝဲအသိး နိးဆ႕းဝဲသီခါကရ႕ခိဥ ဃုဏဒီးလုႈလႈအတႈဂဲၚကလံႈ လုႈလႈအတႈသူဥ၀ံဥသးဆ႕တႈသး၀ံဥ ဃုဏဒီးတႈလဲၚဖးထီလ႕တႈသူဥဖွံသးညီအပူၚ တခ်ဳးလ႕အလဲၚႏုဏဒံးဝဲဆူ တႈဘါသရိဏအကရ႕ႈပူၚအကတီႈန႔ဥလီၚ.

တႈလုႈမံးဆါဘဥတႈတီခိဥရိဏမ႕အီၚလ႕ သီခါကရ႕ခိဥ Felix ဃုဏဒီးသီခါ (၁၂) ဂၚသ့ဥတဖဥ အတႈလုႈထီဥဃုဏသကိးတႈလုႈမံးဆါန႔ဥလီၚ. လ႕တႈမၚအသးအံၚအပူၚ အိဥဝဲဒီးဖံဝါသ့ဥတဖဥ ဒီးအါန႔ႈပွၚဘါဎြၚဖိ (၆၀၀) သ့ဥတဖဥ လ႕သဝီ (၅) ဖ်႕ဥ လ႕အအိဥဃုဏလ႕လီႈကဝီၚအသီအံၚအပူၚန႔ဥလီၚ.

လ႕အတႈစံဥတဲဏတဲလီၚတႈအပူၚ သီခါကရ႕ခိဥ Felix စံးဝဲလ႕ တႈဒုးအိဥထီဥသီခါအတႈပ႕လ႕အသီအံၚ မ့ႈဝဲဒ္ပွၚဘါဎြၚဖိသ့ဥတဖဥ အတႈလိႈဘဥတႈအိဥဝဲအသိး ဖဲတႈတဲဏပိဏလိဏသးဒီး လီႈကဝီၚသီခါခဲလ႕ဏသ့ဥတဖဥ၀ံၚအလီၚခံန႔ဥလီၚ. စံးဝဲလ႕တႈဒုးအိဥထီဥသီခါလီႈကဝီၚအံၚ မ့ႈဝဲတႈဆိဥဂ့ၚလ႕ဎြၚ ဒီးမ့ႈစ့ႈကီးတႈပနီဥလ႕ပထံဥအီၚသ့ လ႕အမ့ႈဝဲ Kalay တလးပ႕လီႈကဝီၚအံၚ အတႈဒိဥထီဥထီထီဥဝဲ အတႈပနီဥလ႕အိဥဖ်ါထီဥဝဲန႔ဥလီၚ.  

သီခါကရ႕ခိဥစံးဝဲလ႕ သီခါအတႈပ႕အသီအံၚ အိဥဝဲဒီးသဝီ (၆) ဖ်႕ဥ ဒီးတႈအိဥဖွိဥကရ႕ အဒူဥဖိထ႕ဖိမ့ႈအိဥဝဲ (၂၁၀) န႔ဥလီၚ. ဒီးစံးဝဲလ႕ တႈဒုးအိဥထီဥသီခါအတႈပ႕အသီအံၚ အိဥဒီးတႈပညိဥဒ္သိး တႈကြႈထြြဲပွၚဘါဎြၚဖိသ့ဥတဖဥ ကမ့ႈဝဲဘုးဘုးတံႈတံႈ ဒ္သိးတႈပနီဥစီဆွံသ့ဥတဖဥ ဘဥတႈမၚအီၚလ႕ပွၚဘါဎြၚဖိအဂီႈ ဒ္သိးတႈလုႈမံးဆါကအိဥဝဲကိးမုႈနံၚဒဲးအဂီႈန႔ဥလီၚ.

တႈပဏလီၚသီခါထီဘိဖဲတႈလီႈအံၚ မ့ႈစ့ႈကီးခရံဏအတႈအိဥဝဲလ႕အဖိအလံၚသ့ဥတဖဥ အက်ါ အတႈပနီဥလ႕ပထံဥသ့ဝဲန႔ဥလီၚ. သီခါကရ႕ခိဥ Felix စံးဝဲလ႕ အကလဲၚဃုဏတႈဒီးပွၚသ့ဥတဖဥအံၚ လ႕နီႈသးအတႈလဲၚက်ဲအပူၚထီဘိ ကဟ့ဥဂံႈဟ့ဥဘါ အဝဲသ့ဥထီဘိန႔ဥလီၚ.

သီခါကရ႕ခိဥအတႈစံဥတဲဏတဲလီၚတႈ၀ံၚအလီၚခံ သီခါ Joseph Mung ကတိၚပဏဖ်ါထီဥဝဲ တႈဟ့ဥဆူဥထီဥနီႈသးစီဆွံအဂံႈအဘါ တခ်ဳးလ႕သီခါကရ႕ခိဥဒုးမၚန႔ႈ ပွၚအဂၚ (၆၀) သ့ဥတဖဥလ႕တႈပနီဥစီဆွံအံၚဒံးဘဥအကတီႈန႔ဥလီၚ. ပွၚအဂၚ (၆၀) သ့ဥတဖဥအံၚ ဒိးန႔ႈသကိးဝဲ တႈဟ့ဥဆူဥထီဥနီႈသးစီဆွံအဂံႈအဘါတႈပနီဥစီဆွံလ႕ အဒူဥဖိထ႕ဖိ ဒီးပွၚလ႕အဆီဥထြဲမၚစ႕ၚအီၚ ဒီးလ႕လီႈကဝီၚပွၚဘါဎြၚဖိသ့ဥတဖဥအမဲဏညါန႔ဥလီၚ.

ဖဲအတႈကတိၚစံးဘ်ဳးစံးဖွိဥတႈအပူၚ သီခါ Sylvester Pau Van Sang စံးဘ်ဳးစံးဖွိဥဝဲ သီခါကရ႕ခိဥ Felix လ႕အတႈကဲခိဥကဲနဥသိဒီကရ႕ ဒီးပဏဖ်ါထိီဥဝဲအတႈလုႈဒိဥပွ့ၚဒိဥ သီခါ Damian Zam Sian Dal ဒီးစံးဘ်ဳးစံးဖွိဥဝဲဒဥ သီဘူဥသီခါသ့ဥတဖဥ ဖံဝါသ့ဥတဖဥ ပွၚဆီဥထြဲမၚစ႕ၚတႈသ့ဥတဖဥ ဒီးလီႈကဝီၚသီခါအတႈပ႕ ပွၚမၚဃုဏသကိးတႈသ့ဥတဖဥ သဝီခိဥနဥသ့ဥတဖဥ ပွၚသူဥ၀ံဥသးဆ႕တႈသ့ဥတဖဥ ပွၚမၚစ႕ၚကလီတႈသ့ဥတဖဥ ဒီးကဎဲႈတႈအိဥဖွိဥကရ႕ဖိလ႕ အဃ့ထုကဖဥတႈဒီး အဟ့ဥမၚဘူဥတႈလ႕ တႈသူဥဘဥသးသ့အပူၚ ဒီးလ႕အတႈဖံးစ႕ၚမၚစ႕ၚတႈ ဒ္သိးတႈဒုးအိဥထီဥသီခါအတႈပ႕အသီအံၚ ကဲထီဥဝဲဂ့ၚဂ့ၚဘဥဘဥအဂီႈန႔ဥလီၚ.

၀ံၚအလီႈခံတႈသး၀ံဥလီၚလီၚဆီဆီတဎုဏလ႕ တႈဒုးအိဥထီဥလီႈကဝီၚအသီအံၚအဂီႈ ဘဥတႈသူဥ၀ံဥသးဆ႕အီၚလ႕ ပွၚသး၀ံဥတႈဖိသ့ဥတဖဥန႔ဥလီၚ. တႈဒုးအိဥထီဥ St. Patrick သီခါအတႈပ႕အသီအံၚ မ့ႈဝဲဒဥခီဥခါအသီတခါလ႕ Kalay တလးပ႕လီႈကဝီၚ အတႈဒိဥထီဥထီထီဥအဂီႈ ဒီးမ့ႈစ့ႈကီးတႈအိဥဖွိဥကရ႕အတႈအ႕ဥလီၚအီလီၚအသး ဒ္သိးအကရၚလီၚကဒီးတႈသးခုကစီဥ ဒီးလ႕တႈဟ့ဥလီၚတႈပနီဥစီဆွံသ့ဥတဖဥအဂီႈ ဒီးလ႕တႈကြႈထြဲမၚစ႕ၚတႈ ဘဥဃးဒီးပွၚကြႈသိအတႈဖံးတႈမၚ ကမ့ႈဝဲဘုးဘုးတံႈတံႈဆူ ပွၚဘဥဎြၚဖိသ့ဥတဖဥအအိဥ ခီဖ်ိလ႕အမ့ႈဝဲဃုဏဒီးတႈအိဥဖွိဥကရ႕ဖိ ဖဲတႈလီႈအံၚသ့ဥတဖဥ အတႈဖံးဃုဏမၚဃုဏတႈလ႕ တႈသူဥဆူဥသးဂဲၚအပူၚန႔ဥလီၚ.