တႈမုဏတႈခုဥ ဘဥတႈတ့ဘွီထီဥအီၚသ့၀ဲ ခီဖ်ိတႈပဏလီၚစုက၀ဲၚ အဂ့ႈ ပႈပါစံး၀ဲ တႈကစီဥ
တႈမုဏတႈခုဥ ဘဥတႈတ့ဘွီထီဥအီၚသ့၀ဲ ခီဖ်ိတႈပဏလီၚစုက၀ဲၚ အဂ့ႈ ပႈပါစံး၀ဲ တႈကစီဥ
Vatican ထုးထီဥရၚလီၚ၀ဲလံဏတဘ့ဥလ႕ ပႈပါလ့ဥအိဥကြဲး၀ဲ လ႕အအိဥဒီးအခိဥတီလ႕အမ့ႈ၀ဲ တႈမုဏတႈခုဥ မ့ႈ၀ဲဎြၚအတႈဆိဥဂ့ၚ တဘ့ဥအံၚယ အိဥ၀ဲဒီးပႈပါအတႈစံးကတိၚပဏဖ်ါထီဥတႈ ဃုဏဒီးအတႈကြႈထံဆိကမိဥတႈသ့ဥတဖဥ ဘဥဃးဒီးတႈမုဏတႈခုဥ စးထီဥလ႕အဘဥတႈဃုထ႕ထီဥအီၚ ဒ္ပႈပါအသိးဖဲ လါမ့ၚ ၈ သီ ၂၀၂၅ နဥ့လီၚ’
ပႈပါလ့ဥအိဥ အတႈကတိၚပဏဖ်ါထီဥတႈ ဘဥဃးဒီးတႈမုဏတႈခုဥ မ့ႈ၀ဲဒ္အဖီလဏအသိးနဥ့လီၚ’
မ္တႈမုဏတႈဖိးအိဥဒီးသုတက့ႈ မ့ႈ၀ဲခရံဏအတႈဆ႕ဂ့ၚဆ႕၀ါတႈအဆိကတ႕ႈ ဆူအပွၚတႈမ႕ဖိသ့ဥတဖဥအအိဥ (ဎိၚဟဥ ၂၀း၁၉) နဥ့လီၚ’ အအံၚယ မ့ႈစ့ႈကီး ခရံဏလ႕အသမူထီဥက့ၚလ႕တႈသံ အတႈဆိဥဂ့ၚအဆိကတ႕ႈ လ႕အဟ့ဥလီၚ၀ဲဆူ အတံၚသကိးသ့ဥတဖဥအအိဥ ဒီးဆူဟီဥခိဥဒီဘ့ဥနဥ့လီၚ’ တႈဆိဥဂ့ၚအံၚ တမ့ႈ၀ဲတႈလ႕အပွၚ့ဘဥ၀ဲဘဥဒီးယ ကစႈလ႕အနီႈခိမိႈပွႈ လ႕အအိဥဒီးတႈလၚတႈကပီၚ ပဏဖ်ါထီဥ၀ဲ အတႈနးတႈဖွီဥအတႈပူၚလီႈသ့ဥတဖဥ နဥ့လီၚ’ ခီဖ်ိထံဥဘဥ၀ဲ တႈသူဥဟ့သးဟ့ယ တႈမၚအ႕မၚနးအီၚ နဥ့လီၚ’ လ႕အတႈပဏလီၚ၀ဲတႈစုက၀ဲၚ (မ့ႈလ႕အတအိဥဒီးတႈစုက၀ဲၚ) အဃိယ တူႈ၀ဲတႈတတီတလိၚသ့ဥတဖဥ ၀ံၚအလီႈခံ ဂဲၚဆ႕ထ႕ဥသမူထီဥက့ၚ၀ဲနဥ့လီၚ’
တႈမုဏတႈခုဥ မ့ႈ၀ဲတႈမိႈနႈ့သးလီၚဖးဒိဥတမံၚ လ႕အထိဥဟူးထိဥဂဲၚထီဥ၀ဲ ပွၚကညီအသူဥအသး အါအါယ ဘဥဆဥယ ခဲအံၚခဲအံၚ ဘဥတႈမၚပ်ံၚမၚဖုးအီၚယ ဘဥတႈဎီႈတံႈဆီဥသနံးအီၚ ဒီး ဘဥတႈကတိၚဒုဥဒြဲဥနံၚဘဥဖဥလဲအီၚနဥ့လီၚ’ မုႈတနံၚအံၚယ ထံကီႈ ၁၀၃ သ့ဥတဖဥ ဘဥဃးလိဏအသးဒီး တႈဒုးတႈဎၚနဥ့လီၚ’ တႈစုက၀ဲၚသ့ဥတဖဥ အါထီဥဒီးအါထီဥ၀ဲအဃိယ တႈမၚသံမၚ၀ီတႈ အိဥထီဥ၀ဲလ႕ ကီႈ Ukraine, လ႕ Middle East, လ႕ကီႈ Sudan, လ႕ကီႈပဎီၚယ လ႕ Yemen, လ႕ Congo ဒီးလ႕တႈအိဥအသးအဂုဏအဂၚ အါအါဂီႈဂီႈသ့ဥတဖဥအပူၚနဥ့လီၚ’ ဖဲပႈပါဖရဥစ့းအိဥမူဒ္၀ဲအကတီႈ စံး၀ဲလ႕ တႈဒုးဖးဒိဥသ႕ဘ်ီတဘ်ီ အိဥထီဥလံ၀ဲယ မ့ႈလ႕တႈဖ့ႈဆ႕သ့ဥတဖဥ အိဥထီဥဒ္၀ဲအဖ႕မုႈ စးထီဥလ႕ ဟီဥခိဥခ်႕တႈဒုးဖးဒိဥခံဘ်ီတဘ်ီ၀ံၚ၀ဲအလီႈခံနဥ့လီၚ’
ပႈပါလ့ဥအိဥစံးကဒီး၀ဲ ဒ္အဖီလဏအသိးနဥ့လီၚ’
တႈမုဏတႈခုဥ မ့ႈ၀ဲမူဒါနဥ့လီၚ’ ဖဲပထံဥလိဏဘဥပသးဒီး တႈဂ့ႈကီယ ပခီဖ်ိထံဥဘဥ၀ဲတႈဖ့ႈဆ႕ မ့တမ့ႈ ဖဲပအဲဥဒိးစံဥညီဥပွၚအဂၚယ ပဏထီဥတႈကမဥလ႕ ပွၚဂၚအဖီခိဥယ တုၚဒဥလဲဥ ပအဲဥဒိးဆိဥအ႕ဆိဥသီအ၀ဲသ့ဥယ ၀ံၚအလီႈခံယ အဆိကတ႕ႈ ပသးတအိဥကနဏဃုဏလ႕ၚအ၀ဲသ့ဥဘဥဒီး တႈသူဥဟ့သးဟ့ ကဒိဥထီဥဒီးဒိဥထီဥ၀ဲလ႕ပပူၚနဥ့လီၚ’ ဖဲနဥ့ယ တႈလ႕အကမၚဟးဂီၚတႈသ့ဥတဖဥ ကအိဥထီဥ၀ဲ ဒီးတတ့ဘွီထီဥလ႕ၚတႈဘဥ နဥ့လီၚ’ တႈမုဏတႈခုဥ စးထီဥ၀ဲလ႕ ဎအိဥနဥ့လီၚ’ စးထီဥ၀ဲလ႕ ပ၀ဲသ့ဥအအိဥနဥ့လီၚ’ ပွၚစီဆွံစီၚ Augustine စံး၀ဲယ တႈဆ႕ကတီႈအံၚ အိဥဒီးတႈကိႈတႈဂီၚယ တႈဆ႕ကတီႈအံၚ ကီ၀ဲခဲ၀ဲယ တႈဆ႕ကတီႈအံၚအပူၚ ပွၚဘဥတူႈ၀ဲတႈနးတႈဖွီဥ အဃိယ ပကဘဥအိဥမူသကိး ဂ့ၚဂ့ၚဘဥဘဥယ ဒီးပကသ့လဲလိဏကြံဏ တႈဆ႕ကတီႈ ခီဖ်ိပတႈအိဥမူအိဥဂဲၚ လ႕အဂ့ၚ၀ဲယ ဒီးပတအိဥလ႕ၚဒီးတႈနီတမံၚ လ႕ ပကကဒူးကဒ့ဥတႈအဂီႈလ႕ၚဘဥနဥ့လီၚ’ ပမ့ႈတစးထီဥ၀ဲ တႈမုဏတႈခုဥ လ႕ပကစႈဒဥ၀ဲပအိဥဘဥဒီး ပတသ့ဃ့ကညး တႈမုဏတႈခုဥလ႕ ပွၚလ႕အအိဥဒီးတႈစိတႈကမီၚသ့ဥတဖဥ လ႕ဟီဥခိဥခ်႕အံၚ အအိဥဘဥနဥ့လီၚ’ ပကဘဥစးထီဥ၀ဲလ႕ ပတႈရ့လိဏပသးဒီး ပဒူဥဖိထ႕ဖိယ လ႕ပဟံဥပဃီယ လ႕ပခူပ၀့ႈယ ဒီးလ႕ပတႈဖံးလီႈမၚလီႈနဥ့လီၚ’ တႈမုဏတႈခုဥ ဘဥတႈဒုးအိဥထီဥအီၚ ခီဖ်ိပတႈအိဥမူဖံးတႈမၚတႈ လ႕အဆံး၀ဲသ့ဥတဖဥယ ဒ္အမ့ႈ တႈနံၚကမွံယ တႈပ်ႈကြံဏလိဏသး ဒီးတႈစံးတႈကတိၚတႈလ႕အမုဏ၀ဲသ့ဥတဖဥနဥ့လီၚ’
တႈမုဏတႈခုဥ ဘဥတႈဒုးအိဥထီဥအီၚလ႕ တႈတီတႈလိၚအဖီခိဥနဥ့လီၚ’
ပႈပါလ့ဥအိဥ စံး၀ဲလ႕ အသးအိဥပဏဖ်ါထီဥက့ၚ၀ဲ ပႈပါပီလူဃုဂၚတဂၚ အတႈဃ့ကညးတႈလ႕ ဘီမုႈစ႕ဖွိဥကရ႕အပူၚနဥ့လီၚ’ စံး၀ဲလ႕ယ တႈလ႕အပဏဖွိဥဃုဏပွၚကညီသ့ဥတဖဥ မ့ႈတႈအ႕ဥလီၚအီလီၚပသး လ႕အကလဲလိဏကြံဏ ခါဆူညါအတႈစံဥစိၚတႈစိၚ လ႕အမ့ႈ၀ဲ မ္တႈဒုးတႈဎၚ အသုတအိဥလ႕ၚနီတဘ်ီလ႕ၚတဂ့ၚ’ တႈမုဏတႈခုဥ မ့ႈတႈလ႕ အထုးစုနဲဥက်ဲ ဘီမုႈလ႕ပွၚခဲလ႕ဏသ့ဥတဖဥအဂီႈ ဆူတႈလီႈလ႕အကဘဥလဲၚတုၚ၀ဲသပွႈကတ႕ႈအအိဥနဥ့လီၚ’ ဖဲဆ႕ကတီႈလ႕အအိဥ၀ဲဒီး မ့ႈပိဏလ႕အဂံႈသဟီဥဆူဥ၀ဲအပူၚယ တႈမ့ႈတႈတီတမံၚမ့ႈ၀ဲယ ပွၚတသ့ဒုးအိဥထီဥ၀ဲ တႈမုဏတႈခုဥ ခီဖ်ိတႈစုက၀ဲၚလ႕ အဂံႈသဟီဥဆူဥ၀ဲသ့ဥတဖဥ ဘဥဒီးယ မ့ႈဒဥ၀ဲလ႕ တႈပဏလီၚတႈစုက၀ဲၚနဥ့လီၚ’
မၚကဒီးတဘ်ီ ပႈပါလ့ဥအိဥစံး၀ဲလ႕ ”
တႈမုဏတႈခုဥ မ့ႈ၀ဲတႈအုဥပသးနဥ့လီၚ’ အအံၚယ မ့ႈ၀ဲခီဖ်ိ ပွၚကညီပိဏမုဥပိဏခြါအါဒံအါဂၚသ့ဥတဖဥ အတႈဆီဥထြဲ၀ဲ တႈမုဏတႈခုဥယ ခီဖ်ိအတႈမၚန႕ၚကြံဏ တႈအီဥကဘ်ံးအီဥကဘ်ဥတႈယ ခီဖ်ိအတႈကြႈထြဲမၚစ႕ၚပွၚဖွီဥဖိဎဏဖိယ ခီဖ်ိအတႈဆီဥထြဲ၀ဲ Democracy အတႈပ႕တႈျပးနဥ့လီၚ’
ပႈပါစံး၀ဲ”
တႈမုဏတႈခုဥ လိဏဘဥ၀ဲတႈမုႈလႈနဥ့လီၚ’ တႈအိဥဖွိဥကရ႕ ကစံဥတဲၚတဲလီၚကဒီး၀ဲ တႈအဲဥတႈကြံဆူ ပွၚကညီပိဏမုဥပိဏခြါခဲလ႕ဏသ့ဥတဖဥအအိဥနဥ့လီၚ’ တႈမုဏတႈခုဥ မ့ႈတႈလ႕ ဟီဥခိဥက်ဲးစ႕းဃုထံဥနႈ့၀ဲ လ႕ခါဆူညါအဂီႈနဥ့လီၚ’ မ္ပကကြႈထီဥတႈလ႕ ခါဆူညါဃုဏဒီးတႈမုႈလႈယ ဒီးထံဥနႈ့သကိး ခရံဏအတႈမၚလိဏ ဒ္အမ့ႈ၀ဲတႈအခီဥထံး ထဲတမံၚဧိၚနဥ့တက့ႈ’ ခရံဏအတႈသိဥလိနဲဥလိတႈအသံးအကဏမ့ႈ၀ဲ တႈအဲဥတႈကြံယ တႈဟ့ဥလီၚသးလ႕ပွၚဂၚအဂီႈယ တႈမၚန႕ၚတႈသံယ တႈမၚန႕ၚကြံဏ တႈအိဥသဎုႈသတြၚယ ဒီးတႈမၚန႕ၚကြံဏ တႈမၚအ႕မၚနးပွၚအဂၚနဥ့လီၚ’
ပႈပါလ့ဥအိဥ ပဏဖ်ါထီဥက့ၚကဒီး ပႈပါပံဥအူ ၁၁ ဂၚတဂၚ အတႈကြဲမုဏတႈ ဒီးစံး၀ဲယ မ္ပကစံးဘ်ဳးစံးဖွိဥဎြၚ မ့ႈလ႕အဒုးအိဥမူပွၚ ဖဲဆ႕ကတီႈလ႕ အအိဥဒီးတႈဂ့ႈကီသ့ဥတဖဥအံၚအပူၚနဥ့တက့ႈ’ မ္ကစႈဎြၚ ကထုးစုနဲဥက်ဲပွၚ ဆူက်ဲလ႕ အတအိဥဒီး တႈမၚနးမၚဖွီဥပွၚဂၚအဖီခိဥနဥ့တက့ႈ’ မ္ပွၚလ႕အစူႈနဏဎြၚသ့ဥတဖဥ ဒီးပွၚလ႕အအိဥဒီး တႈသူဥဂ့ၚသး၀ါသ့ဥတဖဥ အသုတလီၚဘွံးလီၚတီၚ၀ဲလ႕ တႈတ့ဘွီထီဥတႈမုဏတႈခုဥအဂီႈတဂ့ၚ’ မ္ပွၚကိးဂၚဒဲး ကပဏလုဏဒိဥပွၚ့ဒိဥ တႈမုဏတႈခုဥနဥ့တက့ႈ’
Pope Leo XIV Peace is built through disarmament not nuclear weapons Vatican News July 21, 2026
