တႈကတဲႈကတီၚတႈဆူဥဆူဥကလဲဏ လ႕တႈမၚလၚကပီၚ သးစႈသ့ဥတဖဥအမုႈနံၚ လ႕၀့ႈဒိဥ Seoul ဖဲ ၂၀၂၇ အနံဥအဂီႈ တႈကစီဥ

တႈကတဲႈကတီၚတႈ အတႈဖံးတႈမၚသ့ဥတဖဥ ဘဥတႈမၚအီၚ ဆူဥဆူဥကလဲဏ လ႕တႈမၚလၚမၚကပီၚ ဟီဥခိဥဒီဘ့ဥသးစႈသ့ဥတဖဥအမုႈနံၚ လ႕၀့ႈဒိဥ Seoul ဖဲ ၂၀၂၇ အနံဥယ ဒ္တႈဆ႕ကတီႈအိဥတ့ႈဒ္၀ဲတနံဥအကတီႈနဥ့လီၚ’ ပွၚကရ႕ကရိထီဥတႈသ့ဥတဖဥစံး၀ဲလ႕ ပွၚကတဲႈကတီၚတႈ ဆူဥဆူဥကလဲဏ ဒ္သိးပွၚကသ့တူႈလိဏ သးစႈ အကဎၚဒီးအကဎၚသ့ဥတဖဥ လ႕ဟီဥခိဥခ်႕တႈလီႈအလီၚဆီ၀ဲသ့ဥတဖဥနဥ့လီၚ’

တႈမၚလၚကပီၚသးစႈသ့ဥတဖဥအမုႈနံၚအံၚ ကမ့ႈ၀ဲဖဲ လါအီကူး ၃ သီတုၚလ႕ ၈ သီ ၂၀၂၇ နဥ့လီၚ’ တႈမၚလၚမၚကပီၚ သးစႈသ့ဥတဖဥအမုႈနံၚအံၚ လ႕ကီႈမိႈပွႈအ့ရွ႕ဥအပူၚ ကမ့ႈ၀ဲခံဘ်ီတဘ်ီနဥ့လီၚ’ တႈမၚလၚကပီၚသးစႈအမုႈနံၚ အဆိကတ႕ႈတဘ်ီ မ့ႈတ့ႈလံ၀ဲလ႕ ၀့ႈဒိဥ Manila ဖဲ ၁၉၉၅ အနံဥနဥ့လီၚ’

ပွၚကရ႕ကရိထီဥတႈအကမံတံဥအခိဥအနႈ Archbishop Peter Soon-taick Chung လ႕၀့ႈဒိဥ Seoul စံး၀ဲလ႕ အပူၚကြံဏသ႕နံဥအတီႈပူၚ ပွၚတ့ဘွီထီဥတႈလီႈတႈက်ဲလ႕ တႈမၚလၚကပီၚသးစႈသ့ဥတဖဥအမုႈနံၚအံၚ အဂီႈနဥ့လီၚ’

ပွၚကရ႕ကရိထီဥတႈသ့ဥတဖဥ ကပဏဖ်ါထီဥ၀ဲ ၂၀၂၇ သးစႈသ့ဥတဖဥအမုႈနံၚ အတႈသး၀ံဥ (Theme Song) ဖဲလါအီကူး ၃ သီယ လ႕ Youtube အဖီခိဥနဥ့လီၚ’ တႈဃုထ႕ထီဥတႈသး၀ံဥအံၚ မ့ႈ၀ဲလ႕ ပွၚဟ့ဥလီၚတႈသး၀ံဥ ၄၃၄ ဎုႈသ့ဥတဖဥအက်ါ ဒီးလ႕တႈသး၀ံဥသ့ဥတဖဥအံၚအက်ါ ၂၉၄ ဎုႈသ့ဥတဖဥ မ့ႈ၀ဲလ႕ ကီႈ Korea အခ်႕နဥ့လီၚ’ တႈသး၀ံဥအခိဥတီမ့ႈ၀ဲလ႕ Latin အက်ိဏ Confidite, Vici Mundum လ႕ကိၚလၚ၀ါအက်ိဏအခီပညီမ့ႈ၀ဲ  Take Courage! I have overcome the world) ဒီးလ႕ကညီက်ိဏမ့ႈ၀ဲ ပ်ံၚတႈတဂ့ၚယ ဎမၚန႕ၚလံဟီဥခိဥလံ နဥ့လီၚ’ တႈသး၀ံဥအံၚ ဘဥတႈကြဲးအီၚလ႕ ကီႈ Korea ပွၚလ႕အသ့တႈသူဥ၀ံဥသးဆ႕ Francis Jiyoon Kim နဥ့လီၚ’

ဖဲတႈမၚလၚကပီၚ သူဥဘီဥသးစႈသ့ဥတဖဥအမုႈနံၚအပူၚ တႈမၚအသးကမ့ႈ၀ဲဃုဏဒီး တႈသူဥလီၚသ့ဥထူဥယ လ႕အကမ့ႈ၀ဲ တႈမုႈလႈအတႈပနီဥယ တႈအိဥမူအိဥဂဲၚအတႈဂ႕ႈတႈက်႕ၚအတႈပနီဥယ ဒီးသးစႈသ့ဥတဖဥ အတႈအ႕ဥလီၚအီလီၚအသး လ႕အကကြႈထြဲကဟုကဎဏတႈဘဥတ့အဂီႈနဥ့လီၚ’

ဟီဥခိဥဒီဘ့ဥ သီခါကရ႕ခိဥသ့ဥတဖဥယ ပွၚလ႕အတီခိဥရိဥမဲသူဥဘီဥသးစႈသ့ဥတဖဥယ တႈအိဥဖွိဥကရ႕ခိဥနႈသ့ဥတဖဥ ဘဥတႈမ႕နႈ့ဆီဥခံအီၚ ဒ္သိးအကလဲၚဃုဏတႈဒီး သူဥဘီဥသးစႈသ့ဥတဖဥ ဖဲတႈကတဲႈကတီၚတႈအဖ႕မုႈအံၚ တခ်ဳးလ႕တႈလဲၚမၚလၚကပီၚတႈ ဟဲတုၚဒ္၀ဲအကတီႈနဥ့လီၚ’

သူဥဘီဥသးစႈအမုႈနံၚအတႈသး၀ံဥ ဃုဏဒီးသးစႈအမုႈနံၚအတႈထုကဖဥ ဒီးပွၚစီဆွံလ႕အကြႈထြဲပ႕ဆွ႕ သူဥဘီဥသးစႈဎဲႈဂၚသ့ဥတဖဥ မ့ႈတႈသ့ဥတဖဥလ႕အကါဒိဥ၀ဲအဂ့ႈ အိဥဖ်ါ၀ဲလ႕ လံဏတႈကစီဥအပူၚယ ဒ္အမ့ႈ၀ဲ တႈဂ့ႈသ့ဥတဖဥလ႕ အဆီဥထြဲမၚစ႕ၚသူဥဘီဥသးစႈသ့ဥတဖဥ ဒ္သိးအကသ့မၚဒိဥမၚဎိဏထီဥ အတႈကတဲႈကတီၚအသးလ႕ နီႈသးအဂီႈ တခ်ဳးလ႕သးစႈအမုႈနံၚ ဟဲတုၚဒ္၀ဲအကတီႈနဥ့လီၚ’

ဟီဥခိဥဒီဘ့ဥ သူဥဘီဥသးစႈသ့ဥတဖဥအမုႈနံၚအံၚ ဘဥတႈဒုးအိဥထီဥအီၚလ႕ ပွၚစီဆွံ ပႈပါဎိၚဟဥပီလူ ခံဂၚတဂၚ ဖဲ ၁၉၈၅ အနံဥယ ဒီးဘဥတႈမၚလၚကပီၚကဒီးအီၚကြႈ့ကြႈ့ယ ဒ္အမ့ႈတႈမၚအသးလ႕ ဟီဥခိဥဒီဘ့ဥ ကဲးသလံးတႈအိဥဖွိဥကရ႕ သူဥဘီဥသးစႈ အကကြဲႈဒီးအကကြဲႈသ့ဥတဖဥ အတႈအိဥဖွိဥရိဖွိဥ မၚလၚကပီၚသကိးအတႈစူႈတႈနဏယ ဒီးမၚဆူဥထီဥ တႈအိဥဖွိဥကရ႕အတႈရ့လိဏမုဏလိဏအသး ဒီးမ့ႈ၀ဲအတႈစံးဆ႕က့ၚ ခရံဏကစႈအတႈကိးအ၀ဲသ့ဥ ဒ္သိးအကမ့ႈ၀ဲ ပွၚစိဏဆွ႕တႈသးခုကစီဥအဂီႈနဥ့လီၚ’

တႈသူဥလီၚသ့ဥထူဥ ဖဲတႈမၚလၚကပီၚသးစႈသ့ဥတဖဥအမုႈနံၚအံၚ မ့ႈ၀ဲဒ္ပႈပါဖရဥစ့း အတႈထိဥဟူးထိဥဂဲၚထီဥတႈအိဥ၀ဲ အလံဏပရ႕လ႕အမ့ႈ၀ဲ Laudato Si အသိးနဥ့လီၚ’

Preparations in Full Swing for World Youth Day Seoul 2027 as One Year Countdown Begins     Vatican News      July 1 2026