ပွၚလြံႈဂၚသ့ဥတဖဥ ဘဥတႈပဏထီဥအီၚဆူ တပြဲဒိဥအလီႈအလၚ လ႕ဟါခါ St. Joseph Cathedral တႈဘါသရိဥ တႈကစီဥ
ပွၚလြံႈဂၚသ့ဥတဖဥ ဘဥတႈပဏထီဥအီၚဆူ တပြဲဒိဥအလီႈအလၚ လ႕ဟါခါ St. Joseph Cathedral တႈဘါသရိဥ တႈကစီဥ
ဟါခါတလးပ႕လီႈက၀ီၚ မၚ၀ဲတႈပဏထီဥပွၚလြံဥဂၚ ဆူတပြဲဒိဥအလီႈအလၚ လ႕တႈလုႈမံးဆါအပူၚ ဖဲ St. Joseph Cathedral ဖဲလါအီကူး ၄ သီယ တႈမၚလၚကပီၚ ပွၚစီဆွံ St. John Mary Vianney, လ႕အမ့ႈပွၚကြႈထြဲ သီဘူဥသီခါသ့ဥတဖဥ အမုႈနံၚနဥ့လီၚ’
တႈပဏထီဥပွၚဆူ တပြဲဒိဥအလီႈ ဘဥတႈစးထီဥအီၚဖဲ ဂီၚခီ ၉း၀၀ နဥရံဥယ ဒီးဘဥတႈတီခိဥရီဥမဲအီၚလ႕ Bishop Lucius Hre Kung နဥ့လီၚ’ ပွၚလြံဥဂၚသ့ဥတဖဥအက်ါ ခံဂၚ မ့ႈ၀ဲလ႕ Hakha တလးပ႕လီႈက၀ီၚ ဒီးအဂၚခံဂၚ မ့ႈ၀ဲလ႕ Little Way Missionary of St. Therese အကရ႕နဥ့လီၚ’
ဖဲအတႈစံဥတဲၚတဲလီၚတႈအပူၚယ တလးပ႕ Lucius စံး၀ဲလ႕ တႈမၚအသးအံၚ မ့ႈတႈလ႕ အဘဥဃးဒီး လီႈက၀ီၚအတႈစံဥစိၚတဲစိၚ ဒီးမ့ႈစ့ႈကီးတႈဆိဥဂ့ၚလ႕ လီႈက၀ီၚအပူၚနဥ့လီၚ’ တႈအိဥဖွိဥကရ႕အံၚ လီၚဂဏဒ္ ဒူဥဖိထ႕ဖိလ႕အဒိဥ၀ဲတခါယ မ့ႈ၀ဲဎြၚအဘီအမုႈအဒူဥဖိထ႕ဖိလ႕ဟီဥခိဥခ်႕အံၚအဂ့ႈ တလးပ႕စံး၀ဲနဥ့လီၚ’
ဒ္အမ့ႈ၀ဲတႈမၚလၚကပီၚ ပွၚစီဆွံ John Mary Vianney အသိးယ သီခါကရ႕ခိဥ ကတိၚဆူဥထီဥတႈ ဘဥဃးဒီးတႈစီတႈဆွံဒီး တႈဂ့ၚတႈ၀ါသ့ဥတဖဥ မ့ႈ၀ဲတႈလ႕အကါဒိဥနႈ့ တႈဒိးနႈ့တႈမၚလၚမၚကပီၚလ႕ တႈမၚလိကေိသ့ဥတဖဥအအိဥနဥ့လီၚ’ ပွၚစီဆွံ John Mary Vianney ဘဥဂဲၚပ်ဳႈ၀ဲသပွႈပွႈ လ႕တႈမၚလိအပူၚ မ့ႈတႈလ႕အကီ၀ဲခဲ၀ဲအဂီႈနဥ့လီၚ’ ဘဥဆဥယ အတႈအဲဥတႈကြံဎြၚယ အတႈဆီဥလီၚအသးယ အတႈသူဥဆူဥသးဂဲၚလ႕ နီႈသးသ့ဥတဖဥအတႈအုဥက့ၚခီဥက့ၚအဂီႈ ဒုးကဲထီဥအီၚလ႕ ပွၚဖးဒိဥတဂၚ လ႕တႈအိဥဖွိဥကရ႕အပူၚအဂ့ႈ စံး၀ဲနဥ့လီၚ’
လ႕ပတႈမၚလိမၚဒိးတႈအပူၚ တႈဂံႈစႈဘါစႈကအိဥဒီးပွၚယ ဘဥဆဥယ တႈလ႕ပလိဥဘဥအီၚ ဒိဥဒိဥကလဲဏမ့ႈ၀ဲယ တႈဂ့ၚတႈ၀ါသ့ဥတဖဥ လ႕အအိဥဒီး ပွၚစီဆွံ John Mary Vianney အဂ့ႈ တလးပ႕စံး၀ဲနဥ့လီၚ’
ဒုးသ့ဥနီဥထီဥ၀ဲ ပွၚလ႕အဒိးနႈ့တပြဲဒိဥအလီႈသ့ဥတဖဥလ႕ အ၀ဲသ့ဥ ဘဥတႈကိးအီၚ ဒ္သိးအကထုးစုနဲဥက်ဲယ သိဥလိနဲဥလိယ မၚဂ့ၚထီဥဎြၚဖိဎြၚလံၚသ့ဥတဖဥ ဒ္သိး ပွၚစီဆွံ John Mary Vianney တုၚဒဥလဲဥအ၀ဲသ့ဥအတႈဂဲၚပ်ဳႈက်ဲးစ႕းတႈသ့ဥတဖဥ တဘဥတႈတကနဏဃုဏအီၚလ႕ ပွၚအါဂၚအခါဒဥလဲဥနဥ့လီၚ’ သီခါကရ႕ခိဥ မ႕နႈ့ဆီဥခံ၀ဲတပြဲဒိဥသ့ဥတဖဥ ဒ္သိးအကအိဥဒီးတႈသူဥတီသးလိၚလ႕ဎြၚအပူၚ ဒီးလ႕တႈအိဥဖွိဥကရ႕အပူၚယ ဒီးသနၚ့အသးလ႕ဎြၚ ဒ္ဎြၚသ့ထံဥဘဥ၀ဲ ပွၚသ့ဥတဖဥအံၚအသူဥတီသးလိၚယ ဒီးကဟ့ဥဂံႈဟ့ဥဘါအ၀ဲသ့ဥ ခီဖ်ိအတႈဆိဥဂ့ၚနဥ့လီၚ’
ဖဲ ၂၀၂၅ အနံဥအပူၚယ Little Way Missionary of St. Therese အကရ႕ဖိ ဘဥတႈဒုးကဲထီဥအီၚလ႕ တပြဲဒိဥ၀ံၚအလီႈခံ တနံဥအံၚ မ့ႈ၀ဲခံဘ်ီတဘ်ီနဥ့လီၚ’
တႈပဏထီဥပွၚလြံဥဂၚ ဆူတပြဲဒိဥအလီႈအံၚ မ့ႈ၀ဲတႈလၚတႈကပီၚတမံၚ လ႕တလးပ႕လီၤႈက၀ီၚအံၚအဂီႈယ မ့ႈ၀ဲတႈအိဥဖွိဥကရ႕အတႈဒိဥထီဥထီထီၤဥအတႈပနီဥယ ဒီးတႈမုႈလႈယ မ့ႈ၀ဲတႈအ႕ဥလီၚအီလီၚလ႕ ပွၚကဖံးတႈမၚတႈလ႕ ဎြၚအပွၚကလုႈသ့ဥတဖဥအဂီႈနဥ့လီၚ’ ဒ္တပြဲဒိဥသ့ဥတဖဥ ကစးထီဥ၀ဲ အတႈဖံးတႈမၚတႈလ႕ လီႈက၀ီၚအပူၚအသိး တႈအိဥဖွိဥကရ႕ဖိသ့ဥတဖဥ သဂ႕ႈတူႈလိဏအ၀ဲသ့ဥ လ႕တႈအဲဥတႈကြံအပူၚယ ဒီးထုကဖဥနႈ့တႈလ႕ တႈနႈ့ဂံႈနႈ့ဘါအဂီႈ ဒီးဒ္သိးအကအိဥဒီးတႈသူဥဂ႕ႈသးက်႕ၚလ႕ ဆ႕ကတီႈလ႕အကဟဲတုၚ၀ဲအပူၚနဥ့လီၚ’
Four Deacons Ordained at St. Joseph Cathedral Hakha on Feast of St. John Mary Vianney
