ကီႈပဎီၚသီခါကရ႕ခိဥသ့ဥတဖဥ ပဏဝဲလါစဲးပတ့ဘ႕ဥ ၉ သီ ဒ္သိးအကမ့ႈဝဲ တႈမၚလၚကပီၚတႈဘဥတ့အမုႈနံၚအဂီႈ တႈကစိီဥ

ကီႈပဎီၚသီခါကရ႕ခိဥသ့ဥတဖဥ ဒုးဟူထီဥသးလီၚဝဲ သီခါလီၚကဝီၚလ႕ထံကီႈဒီဘ့ဥ အပူၚသ့ဥတဖဥ ကမၚလၚမၚကပီၚသကိးဝဲ တႈဘဥတ့အမုႈနံၚ ဖဲ ၂၀၂၆ လါစဲးပတ့ဘ႕ဥ ၆ သီ ခီဖ်ိဒီးပွၚဘဥသုဝဲ အတႈလုႈထီဥတႈလုႈမံးဆါအတႈရဲဥတႈက်ဲၚ လ႕အဘဥတႈပဏလီၚအီၚလီၚလီၚဆီဆီ လ႕တႈကြႈထြဲတႈဘဥတ့တႈလုႈမံးဆါအဂီႈန႔ဥလီၚ.

ဖဲအတႈဒုးသ့ဥညါဝဲ သီခါလ႕ထံကီႈဒီဘ့ဥအပူၚ Cardinal Charles Bo လ႕အမ့ႈ ကီၚပဎီၚသီခါကရ႕ခိဥအခိဥအနဥ စံးဝဲလ႕ တႈမၚလၚကပီၚတႈအံၚ ဖဲ ၂၀၂၆ နံဥ ကမ့ႈဝဲလ႕ထံကီႈအံၚအဂီႈအဆိကတ႕ႈတဘ်ီန႔ဥလီၚ.

တႈဘဥတ့အမုႈနံၚအံၚ ဘဥတႈသ့ဥညါစ့ႈကီးအီၚဒ္သိး တႈထုကဖဥန႔ဥတႈလ႕ တႈဘဥတ့အဂီႈအမုႈနံၚ မ့တမ့ႈ တႈမၚလၚကပီၚတႈဘဥတ့လ႕ခရံဏကစႈအပူၚ မုႈနံၚအံၚဘဥတႈမၚလၚကပီၚအီၚကိးနံၚဒဲး ဖဲလါစဲးပတ့ဘ႕ဥ ၁ သီ မ့တမ့ႈ ႏြံလ႕အပိဏထြဲတႏြံန႔ဥလီၚ.

မုႈနံၚအံၚ ပ်ဲဝဲပွၚခရံဏဖိသ့ဥတဖဥဒ္သိး ကအိဥဒီးတႈခြဲးတႈဎဏလ႕ တႈစံးဘ်ဳးစံးဖွိဥက့ၚဎြၚ မ့ႈလ႕တႈဘဥတ့အတႈဆိဥဂ့ၚဆိဥဝါအဃိ ဒီးပွၚသ့ထုကဖဥန႔ဥတႈလ႕ တႈပဏစုကပဏတႈဎါဘ်ါကြံဏအီၚ ဒီးတႈမၚသီထီီဥက့ၚတႈအ႕ဥလီၚသးန႔ဥလီၚ.

တႈမၚလၚကပီၚတႈအံၚ ဘဥတႈစးထီဥအီၚဖဲ ပႈပါ Francis ဖဲ ၂၀၁၅ အနံဥ ဟီဥခိဥဒီဘ့ဥတႈအိဥဖွိဥကရ႕အဂီႈန႔ဥလီၚ. ပႈပါလ့ဥအိဥ ၁၄ ဂၚတဂၚ မၚဒိဥမၚဆူဥထီဥကဒီး တႈမၚလၚကပီၚတႈအံၚ ဒီးစံးဝဲလ႕တႈထုကဖဥန႔ႈတႈလ႕ တႈဘဥတ့အဂီႈအံၚ မ့ႈတႈလ႕အကါဒိဥဝဲ ဒီးမ့ႈတႈလ႕ပွၚကဘဥမၚအီၚလ႕အခ့် အါန႔ႈလ႕ညါန႔ဥလီၚ.

Cardinal Charles Bo စံးဝဲလ႕ ပႈပါလ့ဥအိဥပဏလီၚဝဲ တႈလုႈမံးဆါလ႕တႈဘဥတ့အဂီႈ လ႕အဘဥတႈပ႕ႏုဏအီၚလံလ႕ Roman Missal အပူၚန႔ဥလီၚ.

ကီႈပဎီၚသီခါကရ႕ခိဥသ့ဥတဖဥစံးဝဲလ႕ တႈမၚလၚကပီၚတႈအံၚ မ့ႈဝဲတႈမၚဃုဏတႈဒီး သီခါကရ႕ခိဥလ႕ ကီႈ Asia ဒီဘ့ဥအဂီႈန႔ဥလီၚ.

တႈမၚလၚကပီၚတႈဖဲ ၂၀၂၆ နံဥ၀ံၚအလီႈခံ ဖဲ၂၀၂၇ ကဟဲတုႈဝဲအခါ သီခါကရ႕ခိဥသ့ဥတဖဥ ကက့ၚအိဥဖွိဥထံဥလိဏတဲဏပိဏလိဏက့ၚအသးဒီး ကပဏလီၚက့ၚကဒီး တႈမၚလၚကပီၚတႈအမုႈနံၚအံၚ လီၚတံႈလီၚဆဲးန႔ဥလီၚ.

Cardinal Charles Bo စံးဝဲလ႕ တႈမၚလၚကပီၚတႈအံၚ တမ့ႈထဲလ႕ တႈပီႈဎႈလီၚက့ၚပသး ဘဥဃးဒီးပမၚဘဥဒိဘဥထံးပွၚကညီဘဥဒီး ပတႈသုကမၚတႈဘဥတ့ဘဥဒီး မ့မ့ႈတခီ မ့ႈဝဲတႈမၚလၚကပီၚတႈဘဥတ့ ဒ္အမ့ႈ ပတႈစူႈတႈနဏအတႈဒိဥတႈဎိဏန႔ဥလီၚ.

တႈမၚလၚကပီၚအမုႈနံၚလ႕ ဘဥဃးဒီးတႈဘဥတ့အံၚ အိဥဝဲဒီးတႈစံဥစိၚတဲစိၚ လ႕အစးထီဥဝဲလ႕ Orthodox တႈအိဥဖွိဥကရ႕ ဖဲနံဥကဎၚဖွိဥ ၇ အကတီႈန႔ဥလီၚ. တႈမၚလၚကပီၚတႈအံၚ ဒုးသ့ဥနီဥထီဥပွၚလ႕ ဎြၚမ့ႈဝဲတႈတ့လီၚမူခိဥဒီးဟီဥခိဥအကစႈ ဒီးကြဲမုဏဝဲ ပွၚခရံဏဖိခဲလ႕ဏသ့ဥတဖဥ ဒ္သိးအကကြႈထံဆိကမိဥဝဲ တႈဘဥတ့အတႈဒိဥတႈဎိဏ ခီဖ်ိခရံဏကစႈန႔ဥလီၚ.

ကီႈပဎီၚသီခါကရ႕ခိဥသ့ဥတဖဥ မ႕န႔ႈဆီဥခံဝဲကီႈပဎီၚတႈအိဥဖွိဥကရ႕ဖိသ့ဥ္တဖဥ ဒ္သိးအကသူဝဲတႈမၚလၚကပီၚတႈအံၚ ဒ္သိးအကမ့ႈတႈမၚသီထီဥက့ၚ အဝဲသ့ဥအတႈအ႕ဥလိီၚအသး ဒ္အဘဥထြဲလိဏအသးဒိီး ပႈပါ Francis အလံဏပရ႕လ႕အမ့ႈဝဲ Laudato Si ဘဥဃးဒီးတႈကြႈထြဲကဟူကဎဏ ဟံဥလ႕အဘဥဃးဒီးပွၚခဲလ႕ဏလ႕အမ့ႈဝဲ ပထံကီႈဒီတဘ့ဥအဂ့ႈန႔ဥလီၚ. ပႈပါအလံဏပရ႕အံၚ ဘဥတႈကြဲးအီၚဖဲ ၂၀၁၅ အနံဥန႔ဥလီၚ.

ဖဲအအိဥသ့ဥနီဥထီဥဝဲ ပႈပါ Francis အတႈဘိီဘဥသ့ဥညါတႈအပူၚ ဒီးမ့ႈစ့ႈကီး မ့ႈတႈလ႕အတႈမၚဆူဥထီဥက့ၚကဒီးအီၚလ႕ ပႈပါလ့ဥအိဥအပူၚ Cardinal Charles Bo မ႕န႔ႈဆီဥခံဝဲတႈအိဥဖွိဥကရ႕ဖိသ့ဥတဖဥ ဒ္သိးအကမၚထြဲတႈ ဒ္ပွၚလိဥဘဥတႈလ႕အခ့် လ႕အမ့ႈဒ္သိးပွၚကဒိကနဥ ဟီဥခိဥဒီးပွၚဖွီဥဖိဎဏဖိသ့ဥ္တဖဥ အတႈကိးပသူထီဥ န႔ဥတက့ႈ.

စံးဝဲတႈအိဥဖွိဥကရ႕ဖိသ့ဥတဖဥ ကမၚလၚကပီၚဎြၚ ဒ္အမ့ႈတႈဘဥတ့ ခီဖ်ိတႈကြႈထြဲကဟုကဎဏ တႈဘဥတ့ဒီးတႈဟီဥခိဥခ်႕သ့ဥတဖဥန႔ဥလီၚ. ပမ့ႈအံးထြဲကြႈထြဲပထံပကီႈတဘ့ဥအံၚန႔ဥ မ့ႈဝဲပစံးထီဥပၾတ႕ၚဎြၚအဂ့ႈ စံးဝဲဲန႔ဥလီၚ.

တႈမၚလၚကပီၚတႈဘဥတ့အမုႈနံၚ ဖဲအလါစဲးပတ့ဘ႕ဥ ၈ သီ ကမ့ႈဝဲတႈဆီဥထြဲတႈအိဥဖွိဥကရ႕ဖိသ့ဥတဖဥလ႕ ကီႈပဎီၚဒီဘ့ဥအပူၚ ဒ္အမ့ႈတႈခြဲးတႈဎဏလ႕ အအိဥဖွိဥရိဖွိဥလ႕တႈအိဥဖွိဥကရ႕အပူၚ လ႕တႈလုႈမံးဆါအပူၚ လ႕တႈသ့ဥညါမူဒါ ဘဥဃးဒီးတႈကြႈထြဲတႈအခိဥအဃ႕ၚအပူၚ ဒီးတႈကြႈထံဆိကမိဥတႈလ႕ ပွၚဖွီဥဖိဎဏဖိသ့ဥတဖဥအဂီႈ လ႕အဝဲသ့ဥတႈမၚသီထီဥက့ၚအသး အတႈပဏသူဥပဏသး အတႈအ႕ဥလီၚအီလီၚအသး လ႕အမ့ႈတႈကြႈထြဲကဟုကဎဏဎြၚအတႈဘဥတ့ အပူၚန႔ဥလီၚ.

တႈမၚလၚကပီၚတႈဘဥတ့အမုႈနံၚအံၚ မ့ႈဝဲတႈမၚဆူဥထီဥက့ၚ ပတႈစူႈတႈနဏဒီး တႈကြႈထြဲတႈအခိဥအဃ႕ၚ မ့ႈတႈလ႕ပပဏလီၚဖးအီၚတသ့ဝဲအဂ့ႈန႔ဥလီၚ.