သူဥဘီဥသးစႈလ႕ Mandalay လီႈကဝီၚအပူၚသ့ဥတဖဥ မၚလိမၚဒိးအသး ဘဥဃးဒီး တႈဃုသ့ဥညါနႈပ႕ႈ AI အဂ့ႈအက်ိၚတႈကစီဥ

ဒ္စဲးဖီကဟဥအတႈသ့တႈဘဥ လီၚဆီဒဥတႈ ဘဥဃးဒီး AI ဟဲအိဥထီဥဝဲအသိး Mandalay လီႈကဝီၚသူဥဘီဥသးစႈသ့ဥတဖဥမၚဝဲ တႈထံဥလိႈတုႈပီႈလိႈသး Workshop လ႕ အတႈဂ့ႈမိႈပွႈ လ႕အမ့ႈဝဲ AI ဒီးသူဥဘီဥသးစႈသ့ဥတဖဥ ဖဲလါအီးကထိဥဘ႕ဥ ၁၁ သီ ၂၀၂၆ အိဥဘွံးနံၚ ဒီးမ့ႈဝဲလ႕ ZawGyi အသဝီ Mandalay လီႈကဝီၚအပူၚန႔ဥလီၚ.

သူဥဘီဥသးစႈအတႈအိဥဖွိဥရိဖွိဥတမံၚအံၚ အိဥဒီးအတႈပညိဥလ႕ အတႈဒုးသ့ဥညါနႈပ႕ႈ သူဥဘီဥသးစႈသ့ဥတဖဥ ဒ္သိးအကသ့ အကပႈလုႈဒိဥပွဲၚဒိဥဝဲ ပွၚကညီအသူဥအသ့ဥ ဒ္ AI အတႈသ့တႈဘဥ ဟဲအိဥထီဥဝဲလ႕အခ်႔အသိးန႔ဥလီၚ. တႈရဲဥလီၚက်ဲၚလီၚအံၚ ဘဥတႈစးထီဥအီၚလ႕ တႈလုႈထီဥတႈလုႈမံးဆါ ဖဲ Fr. Alphonse Aung Ko Latt တီခိဥရိဥမဲဝဲဒဥ ဒ္အမ့ႈဝဲသီခါလ႕ အမ့ႈပွၚဘဥမူဘဥဒါ ဘဥဃးဒီး တႈထုးစုနဲဥက်ဲသူဥဘီဥသးစႈတဖဥန႔ဥလီၚ.

တႈအိဥဖွိဥမၚလိသကိးတႈအံၚ မ့ႈဝဲလ႕ Mandalay တလးပ႕လီႈကဝီၚအပူၚ ဒီးအဘူးအတံႈ ဒူသဝီၚသ့ဥတဖဥန႔ဥလီၚ.  အဘူးအတံႈဒူသဝီၚသ့ဥတဖဥအပူၚ သူဥဘီဥသးစႈသ့ဥတဖဥ အတႈဟဲမၚဃုဏသကိးတႈန႔ဥလီၚ. ပွၚသိဥလိတႈတဂၚလ႕ အမ့ႈဝဲ Sr. Jane Nway Nway Ei  ပဏဖ်ါထီဥဝဲ တႈသ့တႈဘဥ လ႕အလဲၚထီဥလဲၚထီဝဲ လီၚဆီဒဥတႈ artificial intelligence AI အဂ့ႈအက်ိၚ ဒ္အမ့ႈတႈတမံၚလ႕ အအိဥဒီး တႈခြဲးတႈဎႈအလီႈတိႈလီၚဆီဝဲ လ႕ပွၚကညီကသ့သူဝဲအဂီႈ မ့ႈစ့ႈကီးတႈလ႕ အသ့မၚဘဥဒိဘဥထံးသကဲႈပဝး စ့ႈကီးန႔ဥလီၚ.

ဖံဝါအံၚစံးဝဲလ႕ ပဆ႕မုႈလႈဝဲ ဒ္သိးသူဥဘီဥသးစႈသ့ဥတဖဥ ကသူဝဲ AI အတႈသ့တႈဘဥ လ႕ဆ႕ကတီႈခံခါခဲအံၚ လ႕တႈန႔ႈဘ်ဳးန႔ႈဖွိဥအဂီႈန႔ဥလီၚ. ပမ့ႈသူဝဲ တႈသ့တႈဘဥအံၚ လ႕တႈပလီႈသူဥပလီႈသးအပူၚ ဒီးပမ့ႈတသူကမဥအီၚဘဥဒီး ပကသ့မၚန႕ၚကြံဏ တႈဂ့ႈကီလ႕ ဒုဥဖိထ႕ဖိသ့ဥတဖဥ သီခါလီႈကဝီသ့ဥတဖဥ ဃုႈဒီးပကရ႔ကရိသ့ဥတဖဥန႔ဥလီၚ.

အဃိတႈအိဥဖွိဥတ႕ႈပီဥလိဥသးအံၚ ဘဥတႈကရ႕ကရိထီဥအီၚဒ္သိး ပွၚကသူဝဲ တႈသ့တႈဘဥလ႕ ခံခါခဲအံၚ လီၚဆီဒဥ AI အတႈသ့တႈဘဥ လ႕တႈပလီႈသူဥပလီႈသး တႈသ့ဥညါနႈပ႕ႈတႈ ဂ့ႈဂ့ႈဘဥဘဥအပူၚ ဒီးဒ္သိးပွၚကထုဥစုနဲဥက်ဲ သူဥဘီဥသးစႈသ့ဥတဖဥ ဒီးဟ့ဥဆူဥထီဥအဝဲသ့ဥ ဒ္သိးအကပဏလုႈဒိဥပွဲၚဒိဥ ပွၚကညီအသူအသ့ဥအဂီႈန႔ဥလီၚ.

Sr. Jane ကတိၚပလီႈဝဲသူဥဘီဥသးစႈသ့ဥတဖဥ္ဒ္ိသိး ကသနံၚအသး လ႕ဏလ႕ဏဆ့ဆ့လ႕ AI အဖီခိဥဘဥဒီး ပကစႈဒဥဝဲပကဘဥအိဥဒီး တႈဆိဥကမိဥဆိမး ဒီးပကဘဥပဏလီၚပသးဂ႕ႈဂ႕ႈက်႕ၚက်႕ၚ ပတႈဒိဥထီဥထီထီဥ ဒ္သိးပကပဏလီၚဂ့ၚဂ့ၚဘဥဘဥန႔ဥလီၚ.

မ႕န႔ႈဆီဥခံဝဲသူဥဘီဥသးစႈသ့ဥတဖဥဒ္သိး အကမၚဆူဥထီဥအတႈသ့တႈဘဥ ဒီးအကစႈဒဥဝဲအတႈဆိကမိဥိဆိကမး ဖဲလ႕ digital  အဆ႕ကတီႈအံၚန႔ဥလီၚ. ဖဲလ႕အတႈစံးတဲႈတဲလီၚတႈအပူၚ Fr. Alphonse Aung Ko Latt  စံးဝဲလ႕ ခ့ခါခဲအံၚ ပဘဥကြႈဆ႕ဥမဲဥဝဲ တႈခီဥတႈရီဥတႈ အါမံၚအါမေိ လ႕အဘဥဃး အဘ်းစဲလိဏသးဒီး ပတႈသူဝဲ smartphone ဒီး social media လီၚဆီဒဥတႈလ႕ သူဥဘီဥသးစႈသ့ဥတဖဥ အက်ါန႔ဥလီၚ.

စံးဝဲလ႕ ပမ့ႈသူဝဲ social media ဒီး digital တႈပီဥတႈလီသ့ဥတဖဥအံၚ တဒ႕ကြံဏအခ႕ဥဒီး ပတႈအိဥမူအိဥဂဲၚကအိဥဎံၚဝဲဒီး ပတႈရ႔လိဥမုႈလိဥလိဏသးဒီး ပဒူဥဖိထ႕ဖိ ဒီးကမၚစွၚပတႈရ႔လိဥမုႈလိဥသး တဂၚဒီးတဂၚန႔ဥလီၚ. စံးကဒီးဝဲဒ္ AI ဟဲပ႕ႈထီဥဝဲအသိး သူဥဘီဥသးစႈသ့ဥတဖဥ သန႔အသးလ႕ AI အဖီခိဥ ဒီး လ႕တႈမၚဆူဥထီဥအဝဲသ့ဥ အကစႈဒဥဝဲ အတႈသ့တႈဘဥအဂီႈ တအိဥလ႕ဒီး အတႈသူဥဆူဥသးဂဲၚ အါအါလ႕ၚဘဥအဂ့ႈ သီခါအံၚစံးဝဲန႔ဥလီၚ.

သီခါအံၚစံးဝဲတမ့ႈလ႕ သူဥဘီဥသးစႈသ့ဥတဖဥအသူဝဲ တႈသ့တႈဘဥတႈသ့ဥတဖဥအံၚဘဥ မ့မ့ႈတခီကဘဥသူဝဲဒဥလ႕ တႈဘ်ဳးတႈဖွိဥ အတႈန႔ႈဘ်ဳးန႔ႈဖွိဥအါဝဲအပူၚ ဒ္သိးတႈသ့တႈဘဥသ့ဥတဖဥအံၚ အကသ့ဆီဥထြဲဝဲပွၚကညီအတႈအိဥမူအိဥဂဲၚ ဒီးပွၚကညီအခါဆူညါအဂီႈန႔ဥလီၚ.

ကတိၚပလီႈဝဲသူဥဘီဥသးစႈသ့ဥတဖဥ ဒ္သိးအသုတမၚလ႕ႈဝဲတႈဆ႕ကတီႈသ့ဥတဖဥဘဥဒီး ဒ္သိး အကသူဝဲတႈဆ႕ကတီႈလ႕ အတႈန႔ႈဘ်ဳးန႔ႈဖွိဥဂ့ၚဂ့ၚဘဥဘဥ လ႕တႈကူဥသ့အဂီႈန႔ဥလီၚ. တႈစံးကတိၚတ႕ႈပိဏလိဥသးအံၚ ဝံၚအလီၚခံ သူဥဘီဥသးသ့ဥတဖဥ သ့ဥညါနႈပ႕ႈဝဲလ႕ အကဘဥအိဥဒီး တႈသ့ညါက့ၚမူဒါ လ႕တႈသူဝဲတႈပိဥတႈလီသ့ဥတဖဥအံၚအပူၚ ဒီးဒ္သိး ပကမၚဆူဥထီဥပကစႈဒဥဝဲ ပတႈဆိကမိဥဆိကမၚတႈသ့ဥတဖဥ ဒီးဒ္သိးပွၚကကြႈထြဲ ပွၚကညီအသူအသ့ဥန႔ဥလီၚ.

တႈမၚလိတႈစဲးကတိၚတ႕ႈပီဥလိဥသးတမ့ၚအံၚ ဟ့ဥဂံႈဟ့ဥဘါဝဲ သူဥဘီဥသးစႈသ့ဥတဖဥ ဒ္သိးအကသ့အိဥမူအိဥဂဲၚဝဲလ႕ တႈသ့တႈဘဥအံၚ အတႈလဲၚထီဥလဲၚထီဝဲအကတီႈ လ႕တႈဆိကမိဥ တႈပဏသူဥပဏသး အမ့ႈအတီအဖီခိဥ ဒီးဒ္သိး အကသူဝဲ AI အံၚဒ္တႈလ႕ အသ့ဆီဥထြဲမၚစ႕ၚ တႈန႔ႈဘ်ဳးန႔ဥဖွိဥ ဒီးတဘ်ီဃီ ဒ္သိးသူဥဘီဥသးစႈသ့ဥတဖဥ ကပဏလုႈပဏပွ႔ၚဝဲ ကသ့ဥညါနႈပ႕ႈ ပွၚကညီအလုႈအပွ႔ၚ အတႈဆူဥတႈနႈဒီး အမူအဒါအဂီႈန႔ဥလီၚ.

ဖဲတႈအိဥဖွိဥထံဥလိဥသးတႈမၚလိတခါဝံၚအလီႈခံ သူဥဘီဥသးစႈလ႕ Mandalay  တလးပ႕လီႈကဝီၚအပူၚသ့ဥတဖဥ အိဥထီဥဝဲတႈဒီသူဥပဏသး ဘဥဃးဒီး ပွၚကဘဥသူဝဲ digital အတႈသ့တႈဘဥ ဂ့ၚဂ့ၚဘဥဘဥ ဒီးတဘ်ီဃီပွၚကဘဥပဏလုႈဒိဥပွ႔ၚဒိဥသကဲးဝး ဒီးတဘ်ီဃီဒ္သိး ပွၚကသ့ဥညါလီၚက့ၚသကဲးပဝး အလုႈအပ႔ွ႕ ဒီးတႈခြဲတႈဎႈသ့ဥတဖဥ ဖဲ digital  အဆ႕ကတီႈန႔ဥလီၚ.