တႈဘူဥတႈဘါအလီၚဆီဝဲ (၅) ခါသ့ဥတဖဥ ထံဥလိဏသကိးအသး လ႕၀့ႈ Myitkyina လ႕တႈမုဏတႈခုဥ ဒီးတႈကြႈထြဲတႈအခိဥအဃ႕ၚအဂီႈ တႈကစီဥ

တႈဘူဥတႈဘါလ႕အလီၚဆီလိဏအသး (၅) ခါသ့ဥတဖဥအခိဥအနဥ ထံဥလိဏသကိးအသး လ႕၀့ႈ Myitkyina Kachin ကီႈဆဲဥ ဖဲလါစဲးပတ့ဘ႕ဥ ၂၆ သီယ ဒ္သိးအကမၚဆူဥထီဥ တႈဘူဥတႈဘါသ့ဥတဖဥအတႈရ႔လိဏအသးယ ဒီးတႈအိဥဃုဏဆိးဃုဏလ႕တႈမုဏတႈခုဥအပူၚ ဒီးလ႕ပွၚကညီဂ့ႈဝီအတႈရ႔လိဏမုဏလိဏအသးယဒီးလ႕တႈစံးကတိၚတ႕ႈပိဥလိဏသးယ ဘဥဃးဒီးပွၚအိဥဒီးမူဒါ လ႕တႈကြႈထြဲကဟုက ဎဏတႈအခိဥအဃ႕ၚ ဖဲလ႕တႈကီတႈခဲ ဒီးမူခိဥကလံၚသီဥဂီၚ တဘဥလိဏဖိးဒ့လိဏသးအကတီႈအံၚန႔ဥလီၚ.

ပွၚ Buddhism ဖိယ ပွၚခရံဏဖိ, ပွၚ Islam ဖိ, ပွၚ Hinduism, ဒီး Sikhism အတႈဘါ အပွၚအကရ႕ဖိ ၃၀ သ့ဥတဖဥ အိဥဖွိဥထံဥလိဏသကိးအသးဖဲ St. Thomas Hall လ႕ Myitkyina တလးပ႕လီႈကဝီၚ ဖဲဂီႈခီ ၉ နဥရံဥ တုၚလ႕ ၁၂ နဥရံဥန႔ဥလီၚ.

တႈဘူဥတႈဘါအလီၚဆီဝဲသ့ဥတဖဥ အခိဥအနဥအတႈအိဥဖွိဥထံဥလိဏအသးအံၚ မ့ႈဝဲဒ္သိး တႈဒုးနႈပ႕ႈလိဏသး လ႕အမ့ႈဝဲပွၚသ့ဥတဖဥအံၚ အတႈမၚဆူဥထီဥဝဲတႈအဲဥတႈကြံယ တႈသူဥအိဥသးအိဥယ တႈပ်ႈကြံဏလိဏသးယ ဒီးတႈပဏကဲပွၚအဂၚယ ဒီးတႈကြႈထြဲကဟုကဎဏ တႈအခိဥအဃ႕ၚအဂီႈန႔ဥလီၚ.

တႈအိဥဖွိဥထံဥလိဏအသးအံၚ မ့ႈဝဲတႈခြဲးတႈဎဏတမံၚလ႕ တႈစံးကတိၚတ႕ႈပိဥလိဏသး ဘဥဃးဒီးတႈဘူဥတႈဘါ အကရ႕ကရိသ့ဥတဖဥ သ့ဆီဥထြဲဝဲတႈဒုးအိဥထီဥတႈမုဏတႈခုဥ ဒီးတႈကြႈထြဲကဟုကဎဏ တႈအခိဥအဃ႕ၚ လ႕ Kachin ကီႈဆဲဥအပူၚန႔ဥလီၚ.

ပွၚ Buddhism ဖိအသီခါတဂၚစံးဝဲလ႕ တႈဘူဥတႈဘါအတႈလီၚဆီလိဏအသး အသုတဘဥႀတီဃဏ အဝဲသ့ဥတဖဥလ႕တႈရ႔လိဏမုဏလိဏသး ဒ္တံၚသကိး သကိးသကိးအဂီႈဘဥန႔ဥလီၚ. ပတႈဘူဥတႈဘါမ့ႈတဒ္သိးလိဏအသးမ့ႈဂ့ၚယ မ့ႈအလီၚဆီလိဏအသးမ့ႈဂ့ၚယ ပမ့ႈဝဲတံၚသကိးသ့ဥတဖဥ လ႕တႈသိဥတႈသီလ႕ ပွၚ Buddhism ဖိသ့ဥတဖဥအဂီႈ ကြဲမုဏပွၚဒ္သိးတႈအဲဥတႈကြံ တႈသူဥအိဥသးအိဥတႈဆူ တႈဘဥတ့ခဲလ႕ဏသ့ဥတဖဥအအိဥအဂ့ႈ စံးဝဲန႔ဥလီၚ.

ကတိၚဆူဥထီီဥတႈဒီးစံးဝဲလ႕ တႈအဲဥတႈကြံယ တႈသူဥစူၚသးစူၚယ တႈပ်ႈကြံဏလိဏသးယ ဒီးတႈသူဥကညီၚသးကညီၚတႈ မ့ႈတႈလ႕အလီႈအိဥဝဲသပွႈကတ႕ႈလ႕ တႈအိဥဃုဏဆိးဃုဏလ႕တႈမုဏတႈခုဥအဂီႈ ဒီးတႈပ်ႈကြံဏလိဏသးဒီးတႈသူဥစူၚသးစူၚမ့ႈတအိဥ တႈမုဏတႈခုဥအတီအလိၚ အိဥဝဲတသ့အဂ့ႈစံးဝဲန႔ဥလီၚ.

ဘဥဃးဒီးတႈအခိဥအဃ႕ၚအဂ့ႈ ပွၚ Buddhism ဖိအသီခါအံၚစံးဝဲလ႕ Buddhism အတႈသိဥလိနဲဥလိတႈ မ႕န႔ႈဆီဥခံဝဲဒ္သိးပွၚကပဏကဲန႔ဆ႕ဥဒီး တဆီဥထြဲဝဲတႈမၚဟးဂီၚသ့ဥပွၚဘဥအဂ့ႈ ဒီးပကဘဥကြႈထြဲကဟုကဎဏ ထံယ ဟီဥခိဥယ ကလံၚယ သ့ဥပွႈဒီးသ့ဥထူဥသ့ဥတဖဥအဂ့ႈ ဒီးဖဲသ့ဥပွႈဒီးသ့ဥထူဥသ့ဥတဖဥ မ့ႈအိဥဆူဥအိဥခ့်ဝဲအခါ ပွၚကညီသ့ဥတဖဥစ့ႈကီး ကအိဥမူအိဥဂဲၚလ႕တႈအိဥဆူဥအိဥခ့်အဂ့ႈ စံးဝဲန႔ဥလီၚ.

သရဥ U Sanjay လ႕ပွၚ Hinduism ဖိအကရ႕ စံးဝဲလ႕ တႈဘူဥတႈဘါအတႈသိဥလိနဲဥလိဝဲ ပွၚကညီသ့ဥတဖဥ မ့ႈဝဲဒ္သိးပွၚကအိဥမူသကိးဝဲလ႕ တႈဃူတႈဖိးဒီးတႈအဲဥတႈကြံလိဏအသးပူၚ ဒီးမ႕န႔ႈဆီဥခံဝဲပွၚလ႕အဟဲအိဥဖွိဥထံဥလိဥအသးသ့ဥတဖဥ ဒ္သိးအကပဏကဲဝဲပွၚကညီအသုးအသ့ဥ ဒိကနဥသကိးတႈသိဥတႈသီ ဒီးမၚသကိးခ့ပွၚအတႈမၚလ႕ ပွၚခဲလ႕ဏအတႈန႔ႈဘ်ဳးန႔ႈဖွိဥတႈအဂီႈ ဒီးဒ္သိးပွၚကပ႕ၚဃဏ တႈစီတႈဆွံလ႕တႈအိဥမူအပူၚ ဒီးမၚစ႕ၚပွၚလ႕အတကူတလဲဝဲသ့ဥတဖဥ ဒီးမၚဂ့ၚထီဥတႈပဏသူဥပဏသးအဂီႈအဂ့ႈ စံးဝဲန႔ဥလီၚ.

စံးကဒီးဝဲလ႕ တႈဘူဥတႈဘါဒုးနဲဥပွၚ လဲၚဆူတႈအဲဥကြံလိဏသး ဒီးမ့ႈတႈလ႕အကါဒိဥဝဲထီဘိ ဒ္သိးပကအိဥဒီးတႈပဏသူဥပဏသးလ႕အဂ့ၚဝဲ ဒ္သိးပကထံဥပွၚကိးဂၚဒဲးလ႕ ဒ္အမ့ႈပွၚသ့ဥတဖဥလ႕ အၾက႕းဒီးတႈပဏကဲ အဝဲသ့ဥအဂ့ႈစံးဝဲန႔ဥလီၚ.

ဘဥဃးဒီး မူခိဥကလံၚသီဥဂီၚလဲလိဏကြံဏသးအဂ့ႈ U Sanjay စံးဝဲလ႕ တႈကဟုကဎဏသ့ဥထူဥယ ထံဒီးဟီဥခိဥ မ့ႈတႈလ႕အကါဒိဥဝဲယ သ့ဥထူဥမ့ႈအိဥဒီး ကလံၚသီဥဂီၚဒီး ထံကဆွဲကဆွီဝဲ ဒီးမ႕န႔ႈဆီဥခံဝဲကရ႕ကရိသ့ဥတဖဥ ဒ္သိးအကသူဥလီၚသ့ဥထူဥ ဒီးကြႈထြဲကဟုကဎဏသကိး တႈအခိဥအဃ႕ၚ လ႕ဆ႕ကတီႈခ့ခါခဲအံၚ ဒီးလ႕ခါဆူညါအဂီႈန႔ဥလီၚ.

Mufti Gum San Aung လ႕ပွၚ Muslim ဖိအကရ႕ကရိ ထိဥသႀတိီၚဝဲ တႈနးတႈဖွီဥဒီးတႈကီတႈခဲ လ႕ပဘဥကြႈဆ႕ဥမဲဏအီၚ လ႕မုႈမဆါတနံၚအံၚ လ႕အလီၚဂၚဒ္မ့ဥအူ လ႕ပွၚကဘဥမၚသံကြံဏအီၚ လ႕တႈမၚဃုဏသကိးတႈအပူၚန႔ဥလီၚ.

တႈကီတႈခဲဒီးတႈနးတႈဖွီဥ လ႕ပွၚတုႈဘဥလ႕မုႈမဆါတနံၚအံၚ လီၚဂၚဒ္မ့ဥအူ ဒီးပွၚကဘဥမၚလီၚပံဏကြံဏအီၚ ဃူဃူဖိးဖိးအဂ့ႈစံးဝဲန႔ဥလီၚ. ပွၚကညီသ့ဥတဖဥအတႈအဲဥတႈကြံလိဏသးယ တႈသူဥအိဥသးအိဥလိဏသးယ တႈပ်ႈကြံဏလိဏသး မ့ႈတအိဥဘဥဒီး ကမ့ႈဒဥတႈဆီဥထြဲတႈလီၚဖးဒီး တႈဖ့ဥဆ႕အဃိ မ႕န႔ႈဆီဥခံဝဲပွၚအိဥဖွွိဥထံဥလိဏအသးသ့ဥတဖဥ ဒ္သိးအကထံဥလိဏအသးတဂၚဒီးတဂၚ ဒီးပွၚကညီ ဒီးပွၚလ႕အအိဥဘူးအိဥတံၚလိဏသး လ႕တႈအဲဥတႈကြံ ဒီးတႈပဏကဲလိဏသးအဂီႈန႔ဥလီၚ.

ဘဥဃးဒီး မူဒါလ႕တႈကြႈထြဲတႈအခိဥအဃ႕ၚအဂီႈ စံးဝဲလ႕ ဖဲတႈမုႈလႈတအိဥဝဲအကတီႈဒဥလဲဥ ပွၚကဘဥသူဥလီၚသ့ဥထူဥအဂ့ႈစံးဝဲန႔ဥလီၚ. ဒီးအအံၚ မ့ႈဝဲတႈအကါဒိဥဝဲလ႕တႈမုႈလႈ ဒီးပွၚကညီသ့ဥတဖဥအိဥဒီးမူဒါ ဖဲအကဘဥကြႈထြဲဝဲဟီဥခိဥအဂ့ႈစံးဝဲန႔ဥလီၚ.

Msgr. Dr. Peter Hka Aung Tu လ႕ Catholic တႈအိဥဖွိဥကရ႕လ႕ Myitkyina အတႈကြႈထံဆိကမိဥတႈ မ့ႈဝဲလ႕ပွၚခရံဏဖိသ့ဥတဖဥ အတႈနႈပ႕ႈဝဲတႈအဲဥတႈကြံဒီး တႈပ်ႈကြံဏလိဏသးအဂ့ႈန႔ဥလီၚ.

စံးဝဲလ႕ ဎြၚမ့ႈဝဲတႈအဲဥတႈကြံ ဒီးခရံဏသိဥလိနဲဥလိပွၚ ဒ္သိးပကအဲဥလိဏကြံလိဏအသးတဂၚဒီးတဂၚ ဒီးပ်ႈကြံဏလိဏပသးန႔ဥလီၚ. ကတိၚတႈဆူဘဥဃးဒီး မူခိဥကလံၚသိီဥဂီၚအတႈလဲလိဏအသးအဂ့ႈ Msgr. Peter Hka Aung Tu ပဏဖ်ါထီဥဝဲပႈပါ Francis အလံဏပရ႕လ႕အမ့ႈဝဲ Laudato Si လ႕အကြဲမုဏဝဲပွၚကညီခဲလ႕ဏ ဒ္သိးအကကြႈထြဲ ဟီဥခိဥယ လ႕အမ့ႈဝဲ ပဝဲသ့ဥခဲလ႕ဏအဟံဥန႔ဥလီၚ.

စံးဝဲလ႕ ပဝဲသ့ဥခဲလ႕ဏပအိဥသကိးဝဲလ႕ ဟံဥအံၚအပူၚ ပအိဥဝဲဒီးမူဒါ ဒ္သိးပကဘဥကြႈထြဲကဟုကဎဏအီၚ ဒီးပဏအီၚလ႕တႈကဆွဲကဆွီအပူၚ ပကဘဥပဏလီၚဝဲ တႈအခိဥအဃ႕ၚလ႕အအိဥလ႕ပွွဲၚဒီး တႈအိဥဆူဥအိဥခ့် လ႕ခါဆူညါဖိလံၚသ့ဥတဖဥအဂီႈအဂ့ႈ စံးဝဲန႔ဥလီၚ.

Saya Ve Ve Singh လ႕အမ့ႈ Sikhism တႈဘါအကရ႕ဖိ ကတိၚတႈဘဥဃးဒီး ပွၚစူႈနဏဝဲတႈတ့ကစႈ ဒီးပွၚကဘဥၾက႕းစဲးလူၚမၚထြဲတႈ ဒ္ပွၚကကဲထိီဥပွၚလ႕အဂ့ၚ အါထီဥဒီးအါထီဥဝဲ အဂ့ႈန႔ဥလီၚ.

စံးဝဲလ႕ Sikhism အတႈဘူဥတႈဘါ တူႈလိဏဝဲပွၚခဲလ႕ဏ ဒီးဒုးမၚန႔ႈဝဲပွၚကိးဂၚဒဲးလ႕ တႈအီဥတႈအီ မ့ႈဝဲဒ္အမ့ႈတႈလ႕အကါဒိဥဝဲတမံၚ ဘဥဃးဒီးတႈထဲသိးဒ္သိးလိဏသး တႈအဲဥကြံတမြံၚတပ်ီၚ ဒီးတႈမၚခ့ပွၚအတႈမၚလ႕ တဂၚဒီးတဂၚအဂီႈန႔ဥလီၚ.

ဘဥဃးဒီးမူခိဥကလံၚသီဥဂီၚ အတႈလဲလိဏကြံဏအသးအဂ့ႈ စံးဝဲလ႕ထံယ ကလံၚယ မုႈအတႈကပီၚ ဒီးသ့ဥထူဥဒီးသ့ဥပွႈသ့ဥတဖဥ မ့ႈဝဲတႈတ့ကစႈအတႈဟ့ဥ ဒီးအတႈဆိဥဂ့ၚ လ႕အဆီဥထြဲပွၚကညီအတႈအိဥမူအိဥဂဲၚ ဒီးတႈသ့ဥတဖဥအံၚ ဘဥတႈဟ့ဥလီၚအီၚဆူ ပွၚကညီသ့ဥတဖဥအတႈန႔ႈဘ်ဳးန႔ႈဖွိဥအဂိီႈ ဒီးပသူတဘဥမၚဟးဂီၚဘဥတဂ့ၚယကအိဥဝဲဒီးမူဒါ ဒ္သိးပကဟုကဎဏကြႈထြဲအီၚအဂ့ႈ စံးဝဲန႔ဥလီၚ.

Patrick Aung Tu လ႕အမ့ႈ Myitkyina တလးပ႕လီႈကဝီၚပွၚဒုးနဲဥတႈ ဘဥဃးဒီးတႈတီတႈလိၚဒီး တႈမုဏတႈခုဥအခီမရွ့ဥ ပဏဖ်ါထီဥဝဲကရ႕ကရိအတႈဖံးတႈမၚတႈလ႕ Kachin ကီႈဆဲဥအပူၚ ဒီးစံးဝဲလ႕ တႈဘူဥတႈဘါခဲလ႕ဏသ့ဥတဖဥ အတႈပဏဖွိဥဃုဏလိဏအသး မ့ႈတႈလ႕အကါဒိဥဝဲန႔ဥလီၚ.

စံးဝဲလ႕ တႈအိဥဖွိဥထံဥလိဏသးအံၚ မ့ႈဝဲတႈခြဲးတႈဎဏတမံၚလ႕ ပွၚကမၚဆူဥထီဥ တႈနႈပ႕ႈလိဏသးတဂၚဒီးတဂၚ လီၚဆီဒဥတႈ ဖဲလ႕တႈတလီၚတံႈလီၚဆဲး ဒီးတႈခီဥတႈရီႈတႈ အိဥဝဲလ႕ပထံပကီႈအပူၚအံၚ အကတီႈန႔ဥလီၚ.

ပွၚအိဥဖွိဥထံဥလိဏအသးသကိးသ့ဥတဖဥ မ့ႈဝဲပွၚလ႕ အတႈဘူဥတႈဘါလီၚဆီလိဏအသးသ့ဥတဖဥဘဥဆဥ အတႈဘိးဘဥသ့ဥညါတႈ မ့ႈတႈလ႕အဘဥဃးဒီးပွၚခဲလ႕ဏ လ႕အမ့ႈဝဲ တႈပဏကဲပွၚကညီအသူးသ့ဥလၚကပီၚ တႈအဲဥကြံပွၚလ႕ပဃ႕ၚယ တႈပ်ႈကြံဏလိဏသးယ တႈသူဥအိဥသးအိဥလိဏသးယ တႈအိဥဃုဏဆိးဃုဏလ႕တႈမုဏတႈခုဥအပူၚ ဒီးမူဒါလ႕ပွၚကဘဥကြႈထြဲ တႈအခိဥအဃ႕ၚအဂီႈန႔ဥလီၚ.

တႈအိဥဖွိဥထံဥလိဏအသးလ႕အဎံဏဝဲ ၃ နဥရံဥအံၚ မၚဆူဥထီဥဝဲတႈရ႔လိဏမုဏလိဏသးလ႕ တႈဘူဥတႈဘါအလီၚဆီဝဲသ့ဥတဖဥအဘ႕ဥစ႕ၚ ဒီးဒ္သိးပွၚကဖံးဃုဏမၚဃုဏသကိးတႈလ႕တႈမုဏတႈခုဥ တႈအိဥဃူအိဥဖိးလိဏသး ဒီးတႈကြႈထြဲတႈအခိဥအဃ႕ၚလ႕ Kachin ကီႈဆဲဥအဂီႈန႔ဥလီၚ.