ဖိသဥဒီးသးစႈ ၁၂၀ သ့ဥတဖဥ မၚသကိး၀ဲ တႈထုကဖဥ ခီဖ်ိဖဲစီဆွံ လ႕တႈမုဏတႈခုဥအဂီႈ တႈကစီဥ
ဖိသဥဒီးသးစႈ ၁၂၀ သ့ဥတဖဥ မၚသကိး၀ဲ တႈထုကဖဥ ခီဖ်ိဖဲစီဆွံ လ႕တႈမုဏတႈခုဥအဂီႈ တႈကစီဥ
ဖိသဥဒီးသးစႈ ၁၂၀ ဃဥဃဥသ့ဥတဖဥ လ႕မီဥလမေဲဥတလးပ႕လီႈက၀ီၚအပူၚသ့ဥတဖဥ ပဏဖွိဥဃုဏလိဏအသးဒီး ဖိသဥတကကြဲႈလ႕ဟီဥခိဥဒီဘ့ဥ အတႈထုကဖဥတႈခီဖ်ိဖဲစီဆွံ လ႕တႈမုဏတႈခုဥအဂီႈ ဒီးလ႕တႈဃူတႈဖိးအဂီႈ ဖဲအီးကထိဘ႕ဥ ၄ သီ ၂၀၂၆ယ လ႕ Holy Family တႈဘါသရိဥဖးဒိဥ လ႕မီဥလမေဲဥယ ဒီးမ့ႈ၀ဲ တႈထုကဖဥနႈ့တႈလ႕ ထံကီႈအတႈမုဏတႈခုဥအဂီႈ ဒီးလ႕ဟီဥခိဥဒီဘ့ဥအဂီႈနဥ့လီၚ’
လ႕ဟီဥခိဥဒီဘ့ဥအဂီႈ မုႈနံၚအလီၚတံဥလီၚဆဲး မ့ႈ၀ဲဖဲ အီးကထိဘ႕ဥ ၇ သီယ လ႕အမ့ႈ၀ဲတႈမၚလၚကပီၚ ဖဲစီဆွံအနီႈပၚမုဥအမုႈနံၚနဥ့လီၚ’
တႈထုကဖဥအတႈရဲဥလီၚက်ဲၚလီၚအံၚ ဘဥတႈကရ႕ကရိထီဥအီၚလ႕ မီဥလမေဲဥလီႈက၀ီၚ အတလးပ႕ Bishop Maurice Nyunt Wai ဒီး Holy Family လီႈက၀ီၚအသီခါ နဥ့လီၚ’
တႈမၚအသးလ႕အလီၚဆီ၀ဲတမံၚမ့ႈ၀ဲယ ပွၚလ႕အမၚဃုဏတႈလ႕တႈထုကဖဥအပူၚသ့ဥတဖဥ ရဲဥလီၚအသး ဒ္ဖဲစီဆွံအက့ႈအဂီၚအိဥ၀ဲအသိးနဥ့လီၚ’ ဖိဒံဖိသဥသ့ဥတဖဥယ သူဥဘီဥသးစႈသ့ဥတဖဥယ ဖံ၀ါသ့ဥတဖဥ ဒီးသီဘူဥသီခါသ့ဥတဖဥ ရဲဥလီၚသကိးအသး ဒ္ဖဲစီဆွံအက့ႈအဂီၚအသိးယ ဒီးမ့ႈစ့ႈကီးတႈပဏဖ်ါထီဥ တႈပနီဥလ႕အဘဥဃးဒီး တႈထုကဖဥယ တႈဃူတႈဖိး ဒီးတႈရ့လိဏမုဏလိဏသးနဥ့လီၚ’
လ႕အတႈပဏဖ်ါထီဥ၀ဲ တႈထုကဖဥအတႈပညိဏအပူၚယ Bishop Maurice Nyunt Wai စံး၀ဲလ႕ယ ပွၚထုကဖဥဃုဏသကိးတႈသ့ဥတဖဥအံၚ ထုကဖဥနႈ့တႈလ႕ ထံကီႈအတႈမုဏတႈခုဥ ဒီးအတႈဃူတႈဖိးအဂီႈယ မ့ႈလ႕ထံကီႈအံၚ ဘဥအိဥ၀ဲဒီးတႈကီတႈခဲ ဒီးတႈဖ့ႈဆ႕သ့ဥတဖဥနဥ့လီၚ’ ကြဲမုဏ၀ဲ ပွၚထုကဖဥဃုဏသကိးတႈသ့ဥတဖဥ ဒ္သိးအကထုကဖဥနႈ့တႈလ႕ ဟီဥခိဥဒီဘ့ဥ အတႈမုဏတႈခုဥအဂီႈယ တႈမုဏတႈခုဥလ႕ ဒူဥဖိထ႕ဖိအပူၚ ဒီးလ႕ကရ႕ကရိအပူၚ ဒီးဒ္သိးတႈဒုးတႈဎၚယ တႈမၚဆူဥမၚစိး ဒီးသူဥဟ့သးဟ့လိဏသး လီၚဆီဒဥတႈလ႕ ကီႈပဎီၚအပူၚ ကဆိကတ႕ႈကြံဏ၀ဲအဂီႈနဥ့လီၚ’
တလးပ႕စံး၀ဲလ႕ တႈအိဥဖွိဥလ႕တႈထုကဖဥအပူၚအံၚ မ့ႈ၀ဲတႈပနီဥလ႕အဘဥဃးဒီး တႈအိဥဖွိဥကရ႕အတႈလဲၚဃုဏသကိးတႈနဥ့လီၚ’ သီဘူဥသီခါသ့ဥတဖဥယ ဖံ၀ါသ့ဥတဖဥ ဒီးဖိဒံဖိသဥသ့ဥတဖဥ အတႈရဲဥလီၚအသး ဒ္ဖဲစီဆွံအက့ႈအဂီၚအသိးအံၚ မ့ႈ၀ဲတႈပဏဖ်ါထီဥ တႈရ့လိဏမုဏလိဏသး ဒီးတႈဆဲးက်ိး ဘ်းစဲလိဏသးသကိးသကိး အတႈပနီဥအဂ့ႈ စံး၀ဲနဥ့လီၚ’
တလးပ႕စံးကဒီး၀ဲလ႕ ပွၚမၚဃုဏတႈလ႕ တႈထုကဖဥအပူၚသ့ဥတဖဥအံၚ မ့ႈ၀ဲတႈတမံၚဃီဒီး ခရံဏကစႈ ဒီးအမိႈ ဒ္အ၀ဲသ့ဥထုကဖဥနႈ့တႈလ႕ ဟီဥခိဥခ်႕တႈမုဏတႈခုဥအဂီႈအသိးနဥ့လီၚ’
ဖိသဥတကကြဲႈသ့ဥတဖဥ အတႈထုကဖဥတႈ ခီဖ်ိဖဲစီဆွံအံၚ ဘဥတႈကရ႕ကရိထီဥအီၚ ကိးနံဥဒဲးလ႕ Aid to Church in Need (CAN) လ႕အမ့ႈ၀ဲ တႈဟူးတႈဂဲၚတမံၚလ႕အဘဥဃးဒီးပႈပါ (Pontifical Foundation) လ႕တႈကြႈထြဲမၚစ႕ၚ ပွၚလ႕အဘဥကြႈဆ႕ဥမဲဏ၀ဲ တႈမၚအ႕မၚနး ဒီးတႈကီတႈခဲသ့ဥတဖဥနဥ့လီၚ’ တႈမၚအသးအံၚ မ့ႈ၀ဲဖဲ အီးကထိဘ႕ဥ ၇ သီယ ဖဲစီဆွံအနီႈပၚမုဥ အမုႈနံၚနဥ့လီၚ’
တႈထုကဖဥအတႈရဲဥလီၚက်ဲၚလီၚအံၚ အဆိကတ႕ႈ မ့ႈ၀ဲဖဲ ၂၀၀၅ လ႕ Caracas ကီႈ Venezuela ဖဲဖဲသဥစွၚဂၚသ့ဥတဖဥ အိဥဖွိဥသကိး၀ဲ လ႕တႈထုကဖဥတႈ ခီဖ်ိဖဲစီဆွံနဥ့လီၚ’ တႈထုကဖဥတႈ အတႈရဲဥလီၚက်ဲၚလီၚအံၚ ထိဥဟူးထိဥဂဲၚထီဥ၀ဲ ပွၚအါဒံအါဂၚ လ႕ဘီမုႈအါဘ့ဥအပူၚ ဒီးဘဥတႈမၚအီၚ ကိးနံဥဒဲးနဥ့လီၚ’
ဖိသဥသ့ဥတဖဥ အတႈထုကဖဥတႈလ႕ မီဥလမဲေဥအံၚ အိဥဒီးတႈပညိဏလီၚလီၚဆီဆီ လ႕တႈမုဏတႈခုဥယ တႈမၚဃူလိဏဖိးလိဏက့ၚတႈ ဒီးတႈဘဥလိဖိးဒ့လိဏသး လ႕ကီႈပဎီၚအပူၚယ ဒီးလ႕ဟီဥခိဥဒီဘ့ဥ ဒူဥဖိထ႕ဖိယ ကရ႕ကရိသ့ဥတဖဥ အတႈမုဏတႈခုဥအဂီႈနဥ့လီၚ’
One in the Lord and His Mother 120 Children form living rosary for peace in Mawlamyine
