ဖိသဥအဂၚ ၃၆၀ သ့ဥတဖဥ မၚလၚကပီၚသကိးဝဲ လံဏစီဆွံအိဥဘွံးနံၚ လ႕ Myitkyina တႈကစီဥ

အါန႔ဥ ဖိဒံဖိသဥ ၃၆၀ သ့ဥတဖဥ အိဥဖွိဥရိဖွိဥသကိးဝဲလ႕ St. Columban’s Cathedral လ႕ Myitkyina ဖဲလါအီးကထိဘ႕ဥ ၄ သီ ၂၀၂၆ယ လ႕တႈမၚလၚကပီၚလံဏစီဆွံအိဥဘွံးနံၚ (Bible Sunday) ဒီးဘဥတႈကရ႕ကရိထီဥအီၚလ႕ Missionary Childhood Committee ဖဲမိႈပႈသ့ဥတဖဥ ဒီးတႈအိဥဖွိဥကရ႕ဖိသ့ဥတဖဥ အတႈမၚဃုဏသကိးတႈန႔ဥလီၚ.

တႈရဲဥလီၚက်ဲၚလီၚအံၚ ဘဥတႈမၚအီၚလ႕ St. Thomas Parish Hall ဒီးမ့ႈအပတီႈအိဥဝဲ ၃ ပတီႈန႔ဥလီၚ. (၁) တပတီႈ မ့ႈဝဲဖိဒံဖိသဥသ့ဥတဖဥ စံးထီဥပၾတ႕ၚဝဲလံဏစီဆွံ ဒီးဒိးန႔ႈဘဥသကိးဝဲ တႈဆိဥဂ့ၚလ႕လံဏစီဆွံန႔ဥလီၚ.

တႈရဲဥလီၚက်ဲၚလီၚ (၂) တပတီႈမ့ႈဝဲ တႈထုကဖဥတႈခီီဖ်ိဖဲစီဆွံ ဒီးတႈထုကဖဥတႈဒ္ ပႈပါအတႈထုးစုနဲဥက်ဲ ဘဥဃးဒီးဖိဒံဖိသဥသ့ဥတဖဥအဂီႈ ဒ္သိးအကထုကဖဥန႔ဥတႈလ႕ ဟီဥခိဥခ်႕တႈမုဏတႈခုဥအဂီႈန႔ဥလိီၚ. ဒီးတႈရဲဥလီၚက်ဲၚလီၚအံၚ (၃) တပတီႈ မ့ႈဝဲတႈျပ႕တႈဖးလံဏစီဆွံ ဒီးတႈဂဲၚကလံၚန႔ဥလီၚ.

သရဥမုဥတဂၚလ႕အမံၚမ့ႈဝဲ Teacher Rosa စံးဝဲလ႕ တႈမၚလၚကပီၚတႈအံၚအတႈပညိဏ မ့ႈဝဲဒ္သိး ပွၚကဟ့ဥဂံႈဟ့ဥဘါဖိဒံဖိသဥသ့ဥတဖဥ ဒ္သိးအကသ့အဲဥကြံလံဏစီဆွံ ဒီးကအိဥမူဝဲဒ္လံဏစီဆွံအတႈကြဲးဝဲအသိး ဒီးနီႈသးအဂံႈအဘါကဆူဥထီဥဝဲ ဒီးဒ္သိးကအိဥမူထြဲဝဲ ဒ္ဎြၚအကလုႈအကထါအိဥဝဲအသိး အဂီႈန႔ဥလီၚ.

 Myitkyina တလးပ႕လီႈကဝီၚ Bishop John La Sam စ့ႈကီး မၚဃုဏသကိးတႈ ဒီးဖဲတႈမၚလၚကပီၚတႈအံၚအပူၚ ကတိၚဟ့ဥဂံႈဟ့ဥဘါဝဲဖိဒံဖိသဥသ့ဥတဖဥန႔ဥလီၚ. တလးပ႕စံးဝဲလ႕ဖိဒံဖိသဥသ့ဥတဖဥ ဆ႕ကတီႈခဲအံၚ အိဥဝဲဒီးတႈကြႈဆိမုႈလႈတႈဒိဥဝဲအါဝဲ ဒီးမ့ႈစ့ႈကီး မုႈတနံၚကမ့ႈဝဲခိဥနႈသ့ဥတဖဥန႔ဥလီၚ.

ဆ႕ကတီႈခဲအံၚ ဎြၚအတႈဆိဥဂ့ၚသ့ဥတဖဥ အိဥလ႕ပွဲၚဝဲလ႕အဝဲသ့ဥအတႈအိဥမူအပူၚ ဒီးအဝဲသ့ဥအတႈနံၚကမြံ သ့ဎါဘ်ါကြံဏဝဲဟီဥခိဥယ သ့ဎါဘ်ါကြံဏဝဲ ပွၚဆူးပွၚဆါသ့ဥတဖဥအသူဥအသးယ ဒ္န႔ဥဒီးဖဲအဝဲသ့ဥထံဥလိဏအသး ဒီးမတၚတဂၚလႈလႈလ႕ တႈနံၚကမြံအပူၚအခါ ဖိဒံဖိသဥသ့ဥတဖဥကကဲထီီဥဝဲ ပွၚကူဆါဎါဘ်ါဟီဥခိဥခ်႕အဂ့ႈ တလးပ႕စံးဝဲန႔ဥလီၚ.

သီခါကရ႕ခိဥသ့ဥညါတူႈလိဥဝဲ ပွၚတူႈဘဥတႈနးတႈဖွိဥလ႕မုႈမဆါတနံၚအံၚ ဒီးစံးဝဲလ႕တႈဖ့ဥဆ႕သ့ဥတဖဥ တႈအခိဥအဃ႕ၚဘဥတႈမၚဟးဂီၚအီၚသ့ဥတဖဥ တႈဒုးတႈဎၚသ့ဥတဖဥ မ့ႈဝဲတႈဂ့ႈမိႈပွႈလ႕ အမၚဘဥဒိဝဲပွၚကညီအသူဥအသးန႔ဥလီၚ.

ပဏဖ်ါထီဥဝဲစ့ႈကီးပွၚကညီသ့ဥတဖဥ အတႈသူဥလီသးကြံ ဒ္အမ့ႈတႈဂ့ႈမိႈပွႈလ႕အဘဥဃးဒီး တႈအခိဥအဃ႕ၚဟးဂုဏဟးဂီၚဝဲ ဒီးဟီဥခိဥအတႈလ႕ၚထီဥဝဲအဂ့ႈန႔ဥလီၚ.

စံးဝဲဒ္သိး ဖိဒံဖိသဥသ့ဥတဖဥကဎါဘ်ါကြံဏဝဲဟီဥခိဥ ခီဖ်ိအဝဲသ့ဥအတႈမုႈလႈဒီး အတႈပညိဏလ႕အဒိဥဝဲထီဝဲသ့ဥတဖဥန႔ဥလီၚ. ကတိၚဟ့ဥဂံႈဟ့ဥဘါဝဲဖိဒံဖိသဥသ့ဥတဖဥ ဒ္သိးအကသ့ဥညါနႈပ႕ႈဝဲတႈထုကဖဥ အတႈစိတႈကမီၚ ဒီးဎြၚအကလုႈအကထါ လ႕အဝဲသ့ဥအတႈအိဥမူအိဥဂဲၚအပူၚန႔ဥလီၚ. ဒီးပွၚလ႕အအိဥလ႕အဃ႕ၚသ့ဥတဖဥအကလုႈ အတႈစံးတႈကတိၚတႈသ့ဥတဖဥန႔ဥလီၚ.

စံးဝဲလ႕ ပွၚလ႕အအိဥဝဲလ႕ဖိဒံဖိသဥသ့ဥတဖဥအခိဥအဃ႕ၚ လ႕အတုႈဘဥတႈနးတႈဖွီဥ လ႕အခီဖ်ိထံဥဘဥဝဲတႈသူဥအုးသးအုး တႈသူဥဒိဥသးဖ်ီး ဒီးတႈသူဥက့ဏသးကါအခါ ဖိသဥသ့ဥတဖဥအတႈထုကဖဥ ဒီးအတႈစံးတႈကတိၚတႈလ႕ အအိဥဒီးတႈနံၚကမြံ သ့စိဏဆွ႕ဝဲတႈမုဏတႈခုဥဆူ ပွၚလ႕အထံဥဘဥဝဲသ့ဥတဖဥအသူဥအသးန႔ဥလီၚ.

တလးပ႕မ႕န႔ႈဆီဥခံဝဲဖိဒံဖိသဥသ့ဥတဖဥ ဒ္သိးအကက်ဲးစ႕းဃုထံဥန႔ႈဎြၚအတႈဆိဥဂ့ၚ ဒိီးထုကဖဥသကိးဆူဥဆူဥကလဲဏ လ႕အဝဲသ့ဥအတႈမုႈလႈ ဒီးအတႈပည္ိဏအဂီႈန႔ဥလီၚ.

တႈဖးတႈျပ႕လံဏစီဆွံ မ့ႈစ့ႈကီးတႈရဲဥလီၚက်ဲၚလီၚအက်ါတမံၚ ဒီးမ့ႈဝဲတႈပဏဖ်ါထီဥဖိဒံဖိသဥသ့ဥတဖဥ အတႈသ့ဥညါနႈပ႕ႈဝဲလံဏစီဆွံအဂ့ႈ တသ့ဖဲအသ့ ဒီးတႈျပ႕လိဏအသးလ႕ တံၚသကိးအတႈရ႔လိဏမုဏလိဏသးအပူၚန႔ဥလီၚ.

တႈဂဲၚကလံဥစ့ႈကီး မ့ႈဝဲတႈပဏဖ်ါထီဥတႈသူဥဖွံသးညီတမံၚ ဖဲလ႕တႈမၚလၚကပီၚတႈအံၚအပူၚ လ႕အထုးန႔ႈဝဲဖိသဥလ႕ လီႈကဝီၚအပူၚသ့ဥတဖဥအသူဥအသးန႔ဥလီၚ.

တႈမၚလၚကပီၚတႈအံၚ မ့ႈဝဲတလးပ႕လီႈကဝီၚ မ့ႈဝဲအတႈအ႕ဥလီၚအီလီၚကဒိီးအသး လ႕တႈလုႈအီဥလုႈအီ သူဥဘီဥသးစႈသ့ဥတဖဥအတႈစူႈတႈနဏ ဒီးဟ့ဥဂံႈဟ့ဥဘါအဝဲသ့ဥ ဒ္သိးအတႈအိဥမူအိဥဂဲၚအဂံႈကစဲးလီၚအသး လ႕လံဏစီဆွံအဖီခိဥ ဒ္သိးကကဲထီဥသကိးဝဲ ပွၚအုဥအသးဘဥဃးဒီးတႈမုႈလႈ လ႕အဝဲသ့ဥအဒူဥဖိထ႕ဖိ လ႕အကရ႕ကရိအပူၚန႔ဥလီၚ.